Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Paloka: Për karrierën në politikë, Basha i detyrohet Berishës. S’është njeriu i duhur për të rrëzuar Ramën

Politiko 13 Nëntor 2021, 18:24

Paloka: Për karrierën në politikë, Basha i detyrohet

Deklaratat e kryedemokratit Lulzim Basha dje në një intervistë për News 24, shkaktuan jo pak reagime nga radhët e demokratëve.

I ftuar në studion e “Kjo Javë”, deputeti Edi Paloka u shpreh se kreu i opozitës nuk mund të sillet dhe të deklarojë se nuk e paska njohur mirë Sali Berishën në një kohë kur ai ka pasur marrëdhënie më të afërta me ish-kryeministrin.

Sipas Palokës, Basha duhet t’i jetë mirënjohës Berishës për karrierën e tij politike, që nga momenti i parë kur u bë pjesë e selisë blu.

“Lulzim Basha mund të kishte arritur majat në profesionin e tij, por në politikë që nga A-ja deri te Zh-ja i detyrohet Sali Berishës. Pa i hequr vlerat, por karrierën e tij që nga momenti i parë kur erdhi drejtues si KOP-it, dy herë ministër dhe kryetar bashkie ia dedikon Berishës, Dhe në këtë aspekt nuk mund të thuash se nuk e njoh. Ka bashkëpunuar me të dhe punonjësit e tij. Të thuash sot se nuk e paskam njohur që është shkak i humbjeve të mia sot. Do të doja që kryetari të bënte deklarata serioze. Berisha në atë kohë ishte kryeministër dhe kryetar partie. Si e largove Berishën ti nga fushata pa dëshirë? Bie në kundërshtim me atë që thua vetë. Paske pasur fuqi ta largosh e pastaj thua se paska pasur influencë te vendimet e tua. Në atë kohë kur ishte i fuqishëm e largoi dhe sot e detyroi të marrë vendimet e gabuara që ka marrë”, deklaroi Paloka.

Për Palokën “Basha nuk është njeriu i duhur për të rrëzuar këtë pushtet. Më parë duhet të rrëzojë një bandit si Rama, por mesa duket nuk e bën dot.”

Deputeti tregon se pas daljes në media për të komunikuar vendimin për përjashtimin e Berishës, e ka udhëzuar Bashën të mbajë të njëjtin qëndrim edhe në vazhdim.

“Një porosi unë ia dhashë atë ditë pasi tha këto, kur erdhi puna te qëndrimi i thashë të paktën mbaj këtë qëndrim që ke te deklarata. Ai deklaron se Berisha ka ndryshuar qëndrim po ky vetë?”, tha Paloka.

 

Të fundit