Partia e Lirisë tregon arsyet e largimit të kryetares së Lëvizjes së Gruas

Partia e Lirisë ka zbuluar arsyet e largimit nga kjo forcë politike të kryetares së Lëvizjes së Gruas Esmeralda Demiraj.

Në njoftimin e bërë publik thuhet se Demiraj  nuk ka mbajtur kurrë atë post, por ka qenë e komanduar me këmbënguljen e vet.

Zëdhënësja e PL-së, Jasmira Memelli ironizon duke thënë se “Esmeralda Demiraj, mund të japë dorëheqjen edhe nga Këshilli i Sigurimit të OKB-së, në rast se është e zgjedhur edhe atje”.

Reagimi i Zedheneses se PL-se

Znj. Esmeralda Demiraj, mund të japë dorëheqjen edhe nga Këshilli i Sigurimit të OKB-së, në rast se është e zgjedhur edhe atje, por ajo asnjëherë nuk ka qenë e zgjedhur Kryetare e Lëvizjes së Gruas për Integrim, por e komanduar në këtë detyrë me kërkesën dhe insistimin e vazhdueshëm të saj.

Së dyti, askush nuk mund t’i vendosë kushte Partisë së Lirisë, sidomos në këtë situatë të jashtëzakonshme, që nëse nuk është kandidat/e për deputet/e largohem nga partia.

Partia e Lirisë ka garantuar përfaqësim të sigurt dhe dinjitoz gjinor, në mënyrën më të drejtë, sipas Statutit të saj, 50% – 50% dhe do të përfaqësohet në mënyrë shumë dinjitoze në Qarkun e Fierit, me një kandidaturë autoktone, Znj. Brunilda Haxhiu, Zv/Sekretare e Përgjithshme dhe Sekretare për Familjen dhe Kundër Shpopullimit.

Shprehim besimin se Qarku i Fierit, ndaj të cilit kemi shumë detyrime, do të mbështesë masivisht Znj. Brundila Haxhiu, si dhe një kandidaturë nga lista e hapur, propozuar nga Partia e Lirisë.

CV E ZNJ. BRUNILDA HAXHIU

Arsimimi

1996-2000 Shkolla e mesme e Pergjithshme Janaq Kilica, Fier

2000- 2004 UT, Fakulteti I shkencave Sociale, Filozofi – Sociologji

2022 e ne vazhdim UAMD, fakulteti I edukimit, Parashkollor, Bachelor.

Eksperienca Pune

2004 -2006 mesuese Sociologjie , shkolla e Mesme e pergjithshme Numani, Fier

2007e ne vazhdim Administratore e kopshtit jopublik Miqte e Diellit, Tirane.

Aftesi dhe kompetenca

Kam njohuri te mira te gjuhes Angleze dhe italiane. Aftesi ne perdorimin e programeve baze te kompjuterit dhe rrjeteve sociale. Aftesi ne komunikim me njerezit dhe aftesi shume te mira organizative.

Angazhimi ne politike

E angazhuar prane LSI qe nga viti 2013.

Anetare e KDK ne tetor 2022

Kandidate per Keshill Bashkiak per Tiranen ne zgjedhjet vendore Maj 2023

Anetare e Kryesise se Partise se Lirise

Sekretare per familjen dhe kunder Shpopullimit prill 2024

Zv. sekretare e pergjithshme Maj 2024

Trajnime te vazhdueshme nga rrjeti Barazi ne Vendimmarrje ne Akademine Politike per Pushtetin Vendor, Integritetin ne politike, Ngritjen e fondeve etj

Në foto: Znj. Brunilda Haxhiu.