Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Përjashtimi i deputetëve, Berisha: Vendimi i Alibeajt erdhi në kulmin e skandaleve të qeverisë

Politiko 16 Janar 2023, 14:00

Përjashtimi i deputetëve, Berisha: Vendimi i Alibeajt erdhi në

Lideri i opozitës foli për përjashtimin e katër deputetëve nga grupi parlamentar me urdhër të Enkelejd Alibeajt. Sali Berisha tha se ky vendim erdhi në një kohë skandalesh për qeverinë.

Sipas tij, kryeministri Edi Rama përdori Alibeajn që të ngushtojë në maksimum hapësirën parlamentare të PD, që t’i lërë jashtë komisioneve dhe t’iu mundësojë vetëm dy minuta kohë për diskutim.

Berisha nënvizoi se ky është një akt i padëgjuar ndonjëherë në histori, duke shprehur bindjen se pas këtij akti qëndron Edi Rama.

“Papritmas, në kulmin e skandalit të gjysmë milionë eurove të vjedhura- tregojnë se kur një shefe kabineti mbante në tubat e aspirimit gjysmë milionë euro, imagjinonin sa kanë në kontot bankare, Edi Rama, Olsi Rama, Arben Ahmetaj, etj, tre thasë me euro mbeten jetimë.

Në këtë kulm skandali të pashembullt, në kulmin e skandalit të kryetarit të bashkisë që kapet si kurrë ndonjëherë më parë, që bashkia bën tender për të vjedhur paratë e taksapaguesve, ndërton rrugën me buldozerët e vet, ndërkohë hap tenderin që të shpallë fitues kompaninë e vet. Se rruga po ndërtohej. Po sa? 400 e sa mijë euro. Dhe bën fiktivisht sikur po anulon tenderin, i kapur në mënyrën më flagrante, kryetar bashkie që shpall tendera për të vjedhur veten, siç bëri dasmën e vet.

Këta nuk fitojnë, qytetarët nuk i votojnë këta. Këta e kanë kuptuar, e ndjejnë që janë të përfunduar ndaj edhe bëjnë gjithçka. Në kulmin e këtij skandali, i keqpërdoruri i tij shpall se ka përjashtuar 4 deputetë nga grupi. I bën Edi Rama, se Edi Rama i di këto.

Përveç Koresë së Veriut, nuk mund të gjesh parlament në botë, që të dalë një i vetëshpallur kryetar grupi dhe të përjashtojë katër deputetë nga grupi pa asnjë bazë, rregullorja nuk e përjashton këtë. Kjo ndodh nga Edi Rama, se si të ngushtojë në maksimum hapësirën parlamentare të PD, se si t’i lërë jashtë komisioneve, se si tu lërë atyre dy minuta kohë për diskutim.

Ky është një akt i padëgjuar ndonjëherë në histori. Është prapë Edi Rama. Ka prej jush që thonë Alibasha. Jo, ata janë lëvozhga njerëzore, nuk janë as njerëz. Nuk kemi pse merremi me ta. Është Edi Rama, sepse në çdo vend, po të mos ishte Edi Rama, kryetari i parlamentit do i thoshte se nuk përdoren metoda staliniste në parlament”, u shpreh Berisha.