Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Ditari i Opozitës

Përplasja në Elbasan, Kryemadhi: Nuk është gjë e papritur

Politiko 21 Prill 2021, 21:53

Përplasja në Elbasan, Kryemadhi: Nuk është gjë e

Duke komentuar ngjarjen e rëndë të Elbasanit, kryetarja e LSI, Monika Kryemadhi u shpreh se duke parë situatën e këtyre muajve në këtë qytet ngjarja nuk ishte e papritur.

E ftuar në Syri tv, Kryemadhi thotë se të gjitha institucionet shtetërore janë në shërbim të Partisë Socialiste për të krijuar infrastrukturën për të blerë vota dhe shpërndarë para. Kjo situatë për kryetaren e LSI po ndodh dhe në zona të tjera. Kryemadhi gjithashtu shprehu ngushëllimet për familjen e Pjerin Xhuvanit.

"Nuk është ndonjë gjë e papritur, duke pasur parasysh mënyrën se si është ndërtuar e gjithë fushata elektorale në të gjithë Qarkun e Elbasanit nga Partia Socialiste, e sidomos nga kreu i saj Taulant Balla. Për të vazhduar më pas me Prokurorinë e Rrethit të Elbasanit, atë që e kam thënë gjithmonë, ku ka një konflikt interesi midis kryeprokurorit të Elbasanit dhe vëllait të tij që është kandidat për deputet në listën e PS.

Normal që do të shpërthente një konflikt i tillë, sepse kur të gjitha institucionet shtetërore janë në shërbim të Partisë Socialiste, nuk po merrem me çështjen e shpërndarjes së parave, sepse kjo çështje tashmë është bërë jo vetëm modë, por edhe mënyrë jetese që çdo njeri që shkon dhe flet për politikë, jo vetëm në Elbasan, por kudo.

Mjafton të dalësh në rrethinat e Tiranës, mjafton të shkosh në Kavajë, në Rrogozhinë, në Durrës e kudo. Pra njerëz të cilët presin paratë e rindërtimit në këmbim të votës, presin para në duart e tyre në këmbim të votës, por kjo është një histori që do të fillojmë të merremi me njëri – tjetrin dhe nuk do të merremi me thelbin e problemit që është.

Unë gjej momentin që ti shpreh ngushëllimet Mondës, bashkëshortes së Pjerin Xhuvanit dhe Evit, vajzës së tij, të cilat kanë humbur bashkëshortin dhe babanë e tyre. Për hir të së vërtetës unë e njoh Pjerinin, apo Pipin sikurse i thoshin shkurt, që shumë vite më parë. Nuk e mendoja kurrë që do të shkonte deri në këtë përballje, që për hir të së vërtetës ka kaluar limitet qoftë njerëzore por edhe të logjikës politike", tha ajo. 

Të fundit