Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Presioni me ndihmën ekonomike, PD paralajmëron Ballën: Do t'i bëjmë publike, depozituam prova konkrete në SPAK

Politiko 26 Shkurt 2021, 22:35

Presioni me ndihmën ekonomike, PD paralajmëron Ballën: Do

Partia Demokratike dega Elbasan në një kundërpërgjigje ndaj kreut të grupit të PS-së Taulant Balla deklaron se ka depozituar prova konkrete në SPAK sesi njerëzit e shtabit të tij intimidojnë personat që marrin ndihmë ekonomike.

PD-ja e Elbasanit paralajmëron se do të bëjë publike evidencat që ka dorëzuar në prokurori dhe shton më tej se Balla nuk del dot në qytet, dhe nuk mund të shfaqet para qytetarëve për shkak të mashtrimeve elektorale dhe abuzimit me pushtetin.

“Taulant Balla është mësuar që të bëjë edhe shkelje më të rënda se kjo për të cilën është kallëzuar në SPAK, dhe tja hedhë, sepse ka pasur mbrojtjen e Edi Ramës. PD ka depozituar prova konkrete se si “Shtabi i tij i Peshkut” intimidon personat që marrin ndihmë ekonomike, përmes telefonatave.

Taulant Balla nuk del dot në qytet, dhe nuk mund të shfaqet para qytetarëve për shkak të mashtrimeve elektorale dhe abuzimit me pushtetin, ndaj vepron me metoda presioni ndaj qytetarëve në nevojë. Ne do të bëjmë publike evidencat që kemi dorëzuar në prokurori. Do të merremi me faktet.

Deklaratat që burojnë nga dëshpërimi i humbjes së sigurtë, dhe nga angazhimi që kemi për të hetuar aferat korruptive sapo të vijmë në pushtet, le t’i mbajë për t’u ngushëlluar edhe këto pak ditë që i kanë ngelur. Pas 25 Prillit, Taulant Balla do të jetë një subjekt i drejtësisë, pasi të jetë ndëshkuar me votën masive në gjithë Qarkun e Elbasanit, dhe pasi të mos ketë bablok që e mbron para ligjit” thuhet në deklaratën e PD-së.

Kujtojmë se drejtuesi politik i PD-së në Elbasan, Gazment Bardhi e ka paditur Ballën në SPAK me pretendimin se shtabi elektoral i PS-së ka telefonuar qytetarët që marrin ndihmë ekonomike që të votojnë socialistët në zgjedhje.

Të fundit