Flash News

Prokuroria dërgon për gjykim dy zyrtarët e Bashkisë Korçë

Shkelje me tenderin 2.3 mln €, GJKKO vendos masë sigurie për kreun e KPP, pezullohet nga detyra

Dosja “Partizani”, shtyhet më 21 korrik seanca në Gjykatën e Posaçme

Kërkoi ndryshimin e masës së sigurisë, shtyhet më 7 korrik seanca për Malltezin

Sot gjyqi për 'Partizanin', Malltezi nga SPAK: Gjueti shtrigash, çështje që nisi me kallëzimin pa bazë të Ballës

Ditari i Opozitës

"Rama po kërcënon qytetarët", Duka: Arsyet pse rotacioni politik nuk ndikon në procesin e vaksinimit

Politiko 2 Prill 2021, 10:09
"Rama po kërcënon qytetarët", Duka: Arsyet pse
Edi Rama, Agron Duka

Aleati i së djathtës, kreu i PAA-së Agron Duka ka reaguar mbi një deklaratë të kryeministrit Edi Rama. Gjatë një takimi me qytetarët, ky i fundit është shprehur se "As mos tju shkojë në mendje që vaksinat do vijnë kështu sic do vijnë, nëse ata vijnë në pushtet”.

Duka e cilëson këtë kërcënim ndaj qytetarëve.

"Kërcënimi i shqiptarëve ose votoni mua ose ju pret vdekja nga mungesa e vaksinave, dëshmi rengjethese dhe provë e qartë e vdekjes morale dhe politike e Rilindasit të urrejtjes dhe frikës. Rama po kërcënon shqiptarët me vdekjen", shkruan Duka në Facebook.

Ky i fundit shton se kjo deklaratë dëshmon një mentalitet qeverisës 'kriminal për pushtet absolut dhe të përjetshëm'.

Duka hedh poshtë deklaratën e Ramës, duke theksuar se asnjë kompani e prodhimit të vaksinave nuk bën kontratë me individët në qeveri, por me qeverinë e çdo vendi. Gjithashtu shton se kontratat e blerjes së vaksinave janë marrëveshje ligjore jo fotografi personale.

Ai sjell shembullin e Kosovës, për të siguruar qytetarët se rotacioni politik nuk ndikon në procesin e vaksinimit.

"Prova konkrete se vaksinimi nuk ka të bej me rotacionet politike është qeveria Kurti në Kosovë, e cila sapo mori një mbështetje të konsiderushme vaksina nga projekti global i Covax", shkruan Duka.

Të fundit