Flash News

Denoncon Luan Baçi: Një kuti votimi ka ardhur me 500 fletë votimi mangët

I shoqëruar nga familja, Berisha voton në QV-në e shkollës “Kosova”

Skandal në Petrelë/ Gjeten në rrugë një tufë kartash ID të qytetarëve

Finiq/ Mosparaqitja e komisionerëve bllokon votimin, policia niset për t’i marrë

Probleme edhe në Shijak/ Pajisja biometrike nuk njeh shenjat e gishtërinjve të votuesve

Ditari i Opozitës

Rritja e çmimeve, Berisha: Të vendoset minimumi jetik prej 200 eurosh për person

Politiko 18 Shtator 2023, 12:29

Rritja e çmimeve, Berisha: Të vendoset minimumi jetik prej 200

Kreu i demokratëve, Sali Berisha tha nga një deklaratë për mediat se pas rritjes së çmimeve ka vetëm një zgjidhje për shqiptarët dhe ajo është rritja e minimumit jetik.

Berisha shtoi se duhet një minimum prej 200 euro për person që përballohet pa asnjë vështirësi.

"Në të gjitha aspektet, ka vetëm një zgjidhje emergjente dhe kjo zgjidhje është vendosja e minimumit jetik për të gjithë shqiptarët. Vendosja e minimumit jetik, e llogaritur kjo nga Avokati i Popullit dhe i përllogaritur me ndihmën e ekspertëve më të mirë kombëtarë dhe ndërkombëtarë, pra, vendosja e tij sipas kësaj shifre është përgjigjia e vetme e domosdoshme ndaj situatës alarmante të krijuar me rritjen e çmimeve të produkteve bazë të jetës së qytetarëve.

Në këtë kontekst, PD ka dorëzuar në parlament prej disa muajsh, ligjin për minimumin jetik. Ajo do bëjë të gjitha përpjekjet për votimin e kësaj ligji, i cili është plotësisht i përballueshëm. KLSH ka gjetur se në një vit, qeveria ka vjedhur dhe shpërdoruar 130 miliardë lekë. Nëse vetëm 40 përqind e këtij fondi do të mund të kursehej, minimumi jetik vendosej duke filluar nga muaji i ardhshëm. Qëndrimi ndaj këtij ligji dhe ndaj minimumit jetik është një gur prove për të gjithë deputetët e parlamentit, është një akt me të cilin ata dëshmojnë ndjeshmërinë ndaj zgjedhësve shqiptarë.

Por është edhe një ndjesë publike që ata u kërkojnë shqiptarëve për dyfishimin, për rritjen stratosferike të rrogave të deputetëve, akt i cili nuk mund të paqtohet nëse nuk bëhen disa votime të rëndësishme në favor të qytetarëve. Vendosja e minimumit jetik prej rreth 200 euro për person është një akt që financiarisht përballohet pa asnjë vështirësi. Përballohet vetëm duke reduktuar abuzimet dhe vjedhjet në buxhetin e shtetit", deklaroi Berisha.

Të fundit