“Sa para kërkove që as Gazprom-i s’i mblidhte dot”, Berisha i përgjigjet ambasadës ruse: Bëtë gjithçka kundër TAP, por dështuat!

Ambasada ruse në Shqipëri ka reaguar në lidhje me deklaratën e një dite më parë të ish-kryeministrit Sali Berisha, i cili tha se “10 vjet më parë refuzoi ryshfetin e ofruar nga Gazprom për zhvillimin e projekteve energjetike në Shqipëri”.

Ambasada ruse shprehej me habi për deklaratën dhe pyet se sa para kërkoi Berisha që as Gazpromi nuk mundi t’i mbledhë dot ato “shuma përrallore”?

“U habitëm nga fjalët e Sali Berishës se 10 vjet më parë ai refuzoi ryshfetin gjoja të propozuar nga Gazprom për zhvillimin e projekteve energjetike në Shqipëri. Na lind natyrshëm pyetja: sa kërkoi zoti Berisha që as Gazpromi nuk mundi t'i mbledhë dot ato “shuma përrallore”?”, shkruan ambasada ruse.

Pas këtij reagimi, vjen përgjigja e Berishës, i cili e quan deklaratën e ambasadës tipike provokative të stilit sovjetik.

Sipas Berishës, Gazprom dhe qeveria ruse bënë çfare kishin në dorë dhe përdoren te gjitha linjat korruptive te gazit te tyre per te bllokuar projektin e TAP.

Po ashtu, Berisha ka publikuar një mesazh sipas tij i ardhur nga presidenti i Gazprom për të hequr dorë nga TAP-i, vendim pas të cilit do të kishte një investim prej 4.1 miliardë dollarë në termocentrale të mëdha gazi në Seman.

“Lidhur me deklaraten time te djeshme per perpjekjet korruptive te Gaspromit prane meje per te sabotuar TAP, ambasada ruse ne Tirane ka reaguar sot duke pyetur: Sa leke kerkoi zoti Berisha qe Gazpromi nuk i mblodhi dot?

Lidhur me kete reagim, tipik provokativ te stilit sovjetik te perfaqesuesve te diktatorit Putin, sqaroj publikun sa vijon!

1-Gazprom dhe qeveria ruse bene çfare kishin ne dore dhe perdoren te gjitha linjat korruptive te gazit te tyre per te bllokuar projektin e TAP.

2- Ne javen e pare te gushtit te vitit 2011 nje mik i imi biznesmen i njohur turk me solli nga presidenti i Gazprom mesazhin qe vijon:

“ne rast se une do te hiqja dore nga projekti i TAP-it dhe te mbeshtesja projektin ITGI, i cili anashkalonte Shqiperine dhe kalonte ne trajektoren Turqi- Greqi-Itali dhe qe furnizohej kryesisht me gaz rus por dhe azer pala ruse ofronte:

-ndertimin e nje gazsjellesi Igumenice-Vlore me mundesi shtrirje edhe deri ne Shkoder.

-Investimin prej 4.1 miliarde dollare ne termocentrale te medha gazi ne Seman.

-Keto do vendoseshin ne nje takim qe do zhvillohej midis meje dhe presidentit te Gaspromit.

Oferta u refuzua prereas per arsye politike nga ana ime. Nuk pranova investimet e Gasprom se besoja, dhe koha me dha te drejte, se ato nuk ishin ne interes te vendit tim. Ju bete gjithshka qe TAP te mos behej dhe dështuat!”, shkruan Berisha.