Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Ditari i Opozitës

Salianji: Rama i ka vënë flakën Parlamentit, nuk do bëhemi palaçot e tij

Politiko 7 Dhjetor 2023, 10:40

Salianji: Rama i ka vënë flakën Parlamentit, nuk do bëhemi

Deputeti Ervin Salianji i është drejtuar me tone të ashpra mazhorancës, e cila në 7 minuta ka miratuar e vetme pa votat e opozitës buxhetin e vitit 2024.

Në një prononcim për mediat jashtë Kuvendit, me Kushtetutën e Shqipërisë në dorë, Salianji u shpreh se Rama i ka vënë flakën Parlamentit dhe po funksionon me forcën e gardistëve.

Demokrati deklaroi se PS votoi në mënyrë tinëzare buxhetin i cili godet shtresën e mesme dhe qytetarët. Salianji tha se PS rrëzoi edhe amendimet e demokratëve, por theksoi se nuk mund të kthehen në palaço të Ramës.

"Edi Rama në mënyrë të përsëritur i ka vendosur flakën, parlamentit të Shqipërisë. Po funksionojnë në kushtet e një junte, ku forca fizike e gardistëve, e drejtuesve të Policisë, e krimit në zgjedhje bëjnë të mundur mbajtjen në këmbë të kësaj ngrehine që duket qartësisht se nuk po bashkëjeton në mënyrë demokratike, sipas Kushtetutës dhe ligjit. 

Në mënyrë tinëzare dhe me vrap, PS votoi buxhetin i cili për herë të parë godet shtresën e mesme, godet më të rëndësishme për qytetarët në një demokraci, taksim 21% të profesioneve të lira...

E patë dhe sot që kishte amendime nga deputetë të PD dhe u hodhën poshtë... Kush do që ne të bëhemi palaçot e Edi Ramës, ne nuk bëhemi dot. Kushdo që merr përsipër të bëhet palaço për ndonjë arsye tjetër, që mund të jenë arsye financiare apo të ndonjë përfitimi të drejtpërdrejtë, është i denjë për ta bërë", deklaroi Salianji.

Të fundit