Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

Ditari i Opozitës

SPAK pezulloi hetimet për Olsi Ramën, reagon Bardhi: Prokurorët ndihen të pafuqishëm përballë Edi Ramës

Politiko 10 Janar 2025, 22:07

SPAK pezulloi hetimet për Olsi Ramën, reagon Bardhi: Prokurorët

Kreu i Grupit Parlamentar të PD, Gazment Bardhi ka reaguar pasi SPAK njoftoi se hetimet për laboratorin e kokainës në Xibrakë kanë përfunduar dhe nuk ka prova që implikojnë Olsi Ramën.

Me anë të një videomesazhi në Instagram, Bardhi tha se prokurorët e SPAK për shkak të presionit dhe ndërhyrjes dhe intimidimit detyrohen të kthehen në qesharak.

Kreu i Grupit Parlamentar të PD tha se Prokuroria nuk ka bërë asnjë përpjekje për të zbuluar të vërtetën.

“Njoftimi se njëri nuk është, por nuk e dimë kush janë është fiks logjika që përdori para 10 vitesh policia e shtetit, duke na thënë se kishte arritur të identifikonte moshën e personit, konkrete 45 vjeç, por nuk i gjente dot emrin. I kuptoj prokurorët e SPAK sepse ndihen të pafuqishëm përballë pushtetit të Ramës.

E kam patur të qartë pamundësinë e tyre për ta bërë të ndëshkueshëm dikë që ka statusin e pandëshkueshëm për shkak të pushtetit të të vëllait. Por prokuroria kishte shansin të na provonte se ishte e pavarur, e paanshme, profesionale dhe se kryen hetim të plotë dhe të paanshëm”, tha Bardhi.

Bardhi u ndal në një moment, qe ai e quajti fakt, kur në seancën e 4 prillit ministri i Brendshëm i kohës, Taulant Balla deklaroi ne Kuvend se e njeh personion e moshes 45 vjeç, por qe nuk ka lidhje me PS.

“Pyetja ime për prokurorin Shehu është: A e ka thirrur Taulant Ballën, për ta pyetur, për informacionin si ministër i brendshëm, i përcolli, Kuvendit të Shqipërisë, që e njihte personin e moshës 45 vjeç, dhe se nuk kishte asnjë lidhje me PS apo Edi Ramën, por kishte lidhje me PD?

Mjafton vetëm ky fakt, vetëm ky, për të treguar që nuk ka patur asnjë hetim. Nuk ka patur asnjë veprim hetimor konkret për të zbardhur të vërtetën. Ka pasur vetëm një tentativë, për të bërë shqiptarët për budallenj, sikur po hetohet, dhe për të dalë sot me atë njoftim qesharak.

Gjithsesi, duke ripërsëritur qëndrimin tim, se i kuptoj që janë të pafuqishëm, kam vetëm një lutje, na kurseni të bërit qesharak. Prokuroria Speciale nuk ka nevojë të degradojë deri në qëndrime apo njoftime të tilla, që në 5 rreshta të shkruara, fjalinë e parë të kundërshtojë fjalinë e pestë. Apo, ajo që thuhet në fjalinë e parë, të jetë e ndryshme me atë që thuhet në fjalinë e pestë. Apo, qëndrime të tipit ne nuk e dimë kush është, por betohemi përpara Edi Ramës se Olsi Rama, nuk është.

Kaq për sonte, sepse sigurisht as nuk dekurajohemi, kësaj çështje do i shkojmë deri në fund, e vërteta, siç doli në rastin kur prokurori Shehu gënjeu për ngjarjen e Elbasanit, do triumfojë, edhe pse do të marrë pak kohë“, perfundoi Bardhi.

Të fundit