Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“Të ndalet terrori ndaj mediave”, Berisha: Shqiptarët do paguajnë sa frëngu pulën aktet vandale të Ramës

Politiko 23 Mars 2023, 15:07

“Të ndalet terrori ndaj mediave”, Berisha: Shqiptarët do

Sali Berisha foli jashtë godinës së Kuvendit, ku i bëri thirrje komunitetit ndërkombëtar të reagojë për sulmin ndaj lirisë së mediave në vend, duke përmendur aksionin e fundit në “Prestige Resort” që erdhi sepse nuk u pranua të ndryshohej vija editorial.

Kryedemokrati u shpreh se shqiptarët do paguajnë sa frëngu pulën në kurriz të tyre këto akte të kryeministrit ndaj pronave të të tjerëve.

"Dua të denoncoj dhunën dhe terrorin shtetëror ndaj mediave, konfiskimet tipike të diktaturave me urdhër ekzekutiv. Rama ka miratuar një ligj, por është anti kushtetues, një ligj i cili i jep autoritet kreut të Këshillit të Rregullimit të territorit të konfiskojë sikur të ishte gjykatës. atribute të tilla nuk ka asnjë kryeministër në botë."

"Ky firmos sot plaçkitjen, shkatërrimin e pronave të pronarëve mediatikë. Këtu ka një sulm kundër mediave. E vërteta është një vendosje të plotë të mediave në kontrollin e qeverisë dhe fjala e lirë nuk ka qenë ndonjëherë në vështirësi. Lexova me vëmendje denoncimet e zotit Irfan Hysenbelliu, çka lihet të kuptohet “Cherchez la feme”.

"Zonja Rama, e kam denoncuar disa herë dhe e denoncoj. Para 5-6 vitesh ftoi gazetaret për ti nderuar në një pritje për vitin e ri. U tha gazetarëve se ju “po ma helmoni burrin”. Tani përsëri del në rastin e Prestige, Arben Ahmetaj. Në qoftë se bëhen dy pushtete dhe përdoren kundër njerëzve të pambrojtur e thellon dhunën dhe terrorin ndaj të tjerëve. Unë kërkoj të ndalet kjo dhunë dhe ky terror dhe i bëj thirrje komunitetit ndërkombëtar, veçanërisht institucioneve që merren me fjalën e lirë, të ndërmarrin një hetim."

"Sulmi bëhet se pronari i News 24 nuk ka pranuar linjën editoriale të Ramës. Për mua ka rëndësi terrori për shkak të linjës editoriale. I siguroj shqiptarët se për Ora News dhe Prestige, shqiptarët do paguajnë sa frëngu pulën në kurriz të tyre aktet vandale të këtij kryeministri ndaj pronave të të tjerëve, siç paguan Agon Channel, siç do paguajnë arbitrazhin e portit të Durrësit dhe shumë të tjera. Kjo situatë do një ligj që ti ngarkohen personit që merr vendime."

Të fundit