Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Ditari i Opozitës

Tensionet në veri, Meta: Vuçiç është vendosur në anën e minuesve të dialogut Kosovë-Serbi

Politiko 26 Shtator 2023, 14:27

Tensionet në veri, Meta: Vuçiç është vendosur

Kreu i Partisë së Lirisë, Ilir Meta  komentoi deklaratat e presidentit serb Aleksandër Vuçiç, i cili përsëriti se nuk do ta njohë kurrë, as në mënyrë formale dhe as në mënyrë informale Kosovën.

Në një deklaratë për mediat, Meta theksoi se kjo deklaratë e bërë fill pas këtij sulmi të dhunshëm, është prova e qartë e mungesës së plotë të vullnetit për një dialog të sinqertë mes Kosovës dhe Serbisë, dialog i cili do t’i jepte zgjidhje shumë problemeve të mbetura pezull.

“Kosova ka përjetuar këto ditë tension të madh, për shkak të sulmeve të orkestruara dhe të dhunshme ndaj policisë dhe sigurisë publike të saj.


Është tashmë shumë e qartë, që kjo veprimtari kriminale ka si qëllim të vetëm destabilizimin e situatës dhe krijimin e situatës së tensionit permanent.


Ne të gjithë jemi të tronditur nga pamjet e arsenalit luftarak tepër të madh të agresorëve, të sekuestruar tashmë nga forcat e policisë së Kosovës, të cilat janë provë e pakundërshtueshme e një veprimtarie kriminale të organizuar dhe të mirëmenduar, për qëllime të qarta politike.

Këto akte të dhunshme ishin realisht sulme ndaj autoriteteve legjitime të Kosovës dhe për të dobësuar sundimin e ligjit në Kosovë.


Me gjithë situatën shumë të komplikuar, është vendi për të përshëndetur qëndrimin profesional dhe të vendosur të qeverisë dhe agjensive ligjzbatuese në Kosovë, që arritën të neutralizojnë këto sulme të dhunshme kriminale dhe të rivendosnin rendin publik”, tha Meta.

Të fundit