Tomor Aliztoi bllokon furgonin e bashkisë në Berat: I mbushur me ndihma të rezervave të shtetit, brenda ka edhe karta ID

Kandidati i PD për deputet në Berat, Tomor Alizoti bashkë me mbështetës të PD kanë bllokuar një furgon pak metra larg bashkisë. 

Sipas Alizotit, furgoni është i mbushur me ndihma nga rezervat e shtetit, për t’u shpërndarë në disa lagje të qytetit për fushatë.

“Brenda ka karta ID dhe mallra nga rezervat e shtetit. Furgoni është kapur në orën 9 e ca duke shpërndarë ndihma. Policia nuk po sjell oficerin gjyqësor, që të bëjë kontrollin, do ta shoqërojë me shoferin që është brenda.

Ata dyshohet se kanë karta ID, mund ti fshehin, shpërndajnë ndihma dhe na fshihen gjurmët. Policia ruan furgonin dhe mesazhet janë fshirë. Joana Melëngu anëtare e ZAZ, kryetare e rajonit nr. 2 e PS-së në mes të natës më një furgon me ndihma të rezervës së shtetit. 

Furgoni u mbush në magazinat e bashkisë. Pse duhet një anëtare e ZAZ-së që të shpërndajë ndihma? Përse? Policia nuk bën asnjë veprim. Askush nuk do të prekë votën e demokratëve shqiptarë. Dua që Shqipëria të ketë një ditë demokraci, se këtij populli po i del shpirti. Ky është një krim elektoral dhe përgjegjësit do të përballen me ligjin”, tha ai.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm