U sulmua fizikisht nga Demaliaj, Gjuzi flet për Politiko: Patronazhist, hodhi ofeza dhe tentoi të shqelmojë

Në një intervistë për Politiko.al, kryetari i Partisë Konservatore dhe deputeti i Kuvendit të Shqipërisë, Kujtim Gjuzi, ka komentuar incidentin e përplasjes fizike me analistin Ilir Demaliaj, i cili ndodhi në hollin e Hotel Tirana. Gjuzi ka sqaruar se ndonëse përplasja pati një karakter agresiv nga ana e Demaliajt, ai nuk ka ndërmend të ndjekë hapa ligjorë.

"Unë isha në hollin e Hotel Tirana me kryetaren e Asamblesë së Tropojës, Znj. Sanie Isuf Hajdarmetaj, po pinim diçka dhe po bisedonim. Në këtë moment, Ilir Demaliaj, djali i një ish-sigurimsi, u afrua në tavolinën time me fyerje dhe kërcënime. E ktheva përgjigje duke i thënë të ulur nëse kishte diçka për të thënë, por të mos më fyente", shpjegoi Gjuzi.

Sipas Gjuzit, pas një momenti tensioni, Demaliaj u ktheye për të sulmuar fizikisht. "Ai u rikthye duke u bërë gati për një sulm fizik. U mundova ta shmang përplasjen fizike dhe intervenoi sekretarja për sigurinë, Znj. Hajdarmetaj. Sherri u shmang dhe pas ndërhyrjes së stafit të sigurisë në hotel, incidenti u mbyll pa ndodhur një përplasje më e madhe."

Gjuzi ka theksuar se ndonëse dikur ata kanë pasur një konflikt në rininë e tyre, përplasja e sotme ishte një riaktivizim i këtij konflikti, duke e kthyer në një agresivitet televiziv dhe fizik. "Dikur kemi patur një konflikt në rininë tonë, por ai e ka ricikluar këtë konflikt, duke e kthyer në agresivitet televiziv dhe tashmë një tentativë për përplasje fizike. Fyerjet dhe sharjet e tij ndaj meje i ktheva me qytetari të Tiranës 'autoktone'."

Gjuzi e mbylli intervistën duke theksuar se do të kalonte këtë agresion me sportivitet dhe nuk kishte ndërmend të merrej me të më tej. "Do ta kaloj këtë agresion me sportivitet. Demaliaj është një njeri patronazhist, pa familje dhe që ka pasur një lidhje të fortë me krimin. Ai është një njeri që kërkon të përhapë tension dhe nuk do ta ndihmoj në këtë."

Intervista:

Pyetje: Zoti Gjuzi, pse ndodhi përplasja me Ilir Demaliajn? Cili ishte shkaku konkret?

Kujtim Gjuzi: Unë isha në hollin e Hotel Tirana me kryetaren e Asamblesë së Tropojës, znj. Sanie Isuf Hajdarmetaj. Po pinim diçka dhe po bisedonim. Në atë moment, Ilir Binak Demaliaj – Haxhirajdjali i një ish-sigurimsi kriminel – u afrua pranë tavolinës time me fyerje dhe kërcënime.

Pyetje: Çfarë u fol mes jush pak çaste para se të ndodhte incidenti fizik? A pati ndonjë debat verbal?

Kujtim Gjuzi: U ktheva përgjigje duke i thënë: 'Ulu nëse ke diçka për të thënë, por mos fy.' Pas kësaj,  u rikthye duke u bërë gati për një sulm fizik. Për më tepër, Demaliaj hodhi ofeza dhe tentoi të shqelmojë, por unë u mbrojta fizikisht.

Pyetje: A keni pasur ndonjë konflikt të mëparshëm me Demaliajn?

Kujtim Gjuzi : Na kemi pasur një konflikt në rininë tonë, por ai e ka ricikluar atë duke e kthyer në agresivitet televiziv dhe tashmë gati fizik, i cili shoqërohet me fyerje dhe sharje ndaj meje. Për këtë arsye, i ktheva përgjigjet me thirrje në qytetarët e Tiranës 'autoktone'.

Pyetje: A do të ndërmerrni hapa ligjorë ndaj Ilir Demaliajt?

Kujtim Gjuzi : Jo, nuk do të bëj kallëzim ligjor. Pra, do ta kaloj me sportivitet agresionin e një njeriu patronazhist pa familje, dhe familja është themeli i rikindjes së krimit. Mendoj se ai është një njeri agresiv, ndaj agresivitetit i përgjigjemi me qetësi. Jemi, gjithashtu, në një rreth miqësie me të, sepse babai i tij ishte një kriminel i sigurimit, gjë që duket se ka lënë pasoja psikotrope te djali i tij, i cili, për fatin e tij, është nip në Tiranë. Pra, do ta kaloj me sportivitet agresionin e një njeriu patronazhist, pa familje – dhe familja është themeli i rikindjes së krimit.

Intervistoi: Elva Kurti