“Video me Bajrat”, Bardhi: Spiropali është takuar me persona që sot janë në burg për vrasje para dhe gjatë fushatës

Ish-kreu i bashkisë Shkodër, Bardh Spahia ka reaguar pas qëndrimit të ministres së Shtetit për marrëdhëniet me Parlamentin, Elisa Spiropali ndaj deklaratës së Sali Berishës se një video me Bajrët, i prishi asaj ëndrrën që të bëhet ministre e Jashtme.

“O Sali, shih gjej ndonjë kurë për ankthet e tua, se për mua edhe 100 vjet të rrëmosh nëpër skuta e nëpër zgëqe, noc rrokun do gjesh”, reagoi ajo në rrjetet sociale.

Në një reagim në Facebook, Bardhi denoncon se para dhe gjatë fushatës për zgjedhjet lokale, në rolin e drejtueses politike për PS në Shkodër, Spiropali është takuar me persona që sot gjenden në burg për vrasje dhe porosi vrasjesh.

Sipas tij, mund të thuhet fare mirë se mbas Edi Ramës, Elisa Spiropali ndodhet në krye të listës së masakrës elektorale për zgjedhjen e Benet Becit në Bashkinë e Shkodrës.

"Për Elisën e bandave!

Sali Berisha deklaroi sot se Elisa Spiropali nuk u bë dot Ministre e Jashtme, siç ëndërronte, sepse për të ka video të takimit me bandën e Bajrave në Shkodër.

Para dhe gjatë fushatës për zgjedhjet lokale, në rolin e drejtueses politike për PS në Shkodër, Elisa Spiropali është takuar me persona që sot gjenden në burg për vrasje dhe porosi vrasjesh. Ajo ishte e dërguara fuqiplotë e Edi Ramës, koordinatorja mes qeverisë dhe bandave, duke ngritur një konglomerat të paprecedent me një ndërthurje të krimit të organizuar, strukturave qeveritare dhe figurave "politike" të inkriminuara, ajo ishte garante për çdo kërkesë të tyre ndaj qeverisë, në shkëmbim të blerjes së votave dhe kërcënimit të zgjedhësve.

Mund të thuhet fare mirë se mbas Edi Ramës, Elisa Spiropali ndodhet në krye të listës së masakrës elektorale për zgjedhjen e Benet Becit në Bashkinë e Shkodrës. Edi Rama e njeh shumë mirë rolin e saj, bandat dhe personazhet me të cilat ajo takohej dhe koordinonte blerjen e zgjedhjeve, sepse i kishte miq e për ta kishte firmosur më herët edhe rolin e investitorit strategjik në Velipojë.

Ka ardhur koha që Elisa Spiropali të pyetet nga drejtësia!

Që përpara se SPAK-u të bënte publike bisedat kriminale të bandave ortake me qeverinë, në Shkodër diheshin kontaktet dhe takimet e saj me Bajrat dhe Pëllumb Gjokën. Diheshin komunikimet direkte me ta, për t’i përdorur për blerjen e votave. Prandaj sot, nuk është koha që Elisa Spiropali të flasë me gjuhën e bandave!

Koordinatorja e bandave duhet të thotë qartë: i ka takuar dhe përfshirë ajo Bajrat gjatë fushatës apo jo? E ka takuar Pëllumb Gjokën gjatë fushatës apo jo? Pasi të sqarojë këtë moment, le të bëjë edhe politikë…për aq ditë sa i kanë ngelur në politikë!", shkruan Bardhi.