Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Makina përplas dy turistë me motoçikletë në Fushë Arrëz, humb jetën njëri prej tyre

Aksident i rëndë në Thumanë, një i vdekur, 3 të plagosur

Ditari i Opozitës

Vizita e Ramës, Bardh Spahia: Fuqia e tij në Shkodër nuk ka qenë asnjëherë tek socialistët, por tek bandat

Politiko 4 Dhjetor 2023, 20:31

Vizita e Ramës, Bardh Spahia: Fuqia e tij në Shkodër nuk ka

Ish-kreu i bashkisë Shkodër, Bardh Spania ka reaguar në lidhje me vizitën e kryeministrit Edi Rama në Shkodër ku gjatë Asamblesë së PS.

Në një postim në Facebook, Spahia shkruan se fuqia e tij në Shkodër nuk ka qenë asnjëherë tek socialistët, por tek bandat.

“Nuk janë këto mbledhjet e vërteta të Edi Ramës në Shkodër. Fuqia e tij në Shkodër nuk ka qenë asnjëherë tek socialistët, por tek bandat.

Zgjedhjet në Shkodër nuk i fiton PS. Ato i blen krimi i organizuar, të cilin Edi Rama e ka mbrojtur, e ka ushqyer me tendera, i ka dhënë pushtet dhe e ka shpallur investitor strategjik.

Tashmë e kemi provuar me foto dhe me video, përtej çdo dyshimi, se Shkodra sundohet nga krimi. Se ditën e zgjedhjeve, ishin ata që përfaqësonin PS dhe Edi Ramën në Shkodër.

Në të vërtetë, janë ata që sot kanë pushtetin, megjithëse zyrtarisht nuk marrin pjesë në inspektime fasadash të vonuara, por kanë përfaqësuesit e tyre në kryesi e në mbledhjet e partisë shtet të Edi Ramës.

Sa për premtimet për investime politike të vonuara në Shkodër, nuk ka asgjë më demaskuese për Edi Ramën që për 10 vjet u mohoi shkodranëve disa projekte zhvillimi, vetëm e vetëm se nuk i ishin nënshtruar pushtetit kriminal të kryeministrit.

Çfarëdo të bëjë për Shkodrën, nuk do të mbulojë dot kriminalizimin, kanabizimin, varfërimin, ç'popullimin dramatik dhe persekutimin politik e ekonomik dhjetëvjeçar që i bëri qytetit tonë!

Pa bandat e veta, pa bërjen njësh të shtetit me partinë dhe krimin, Edi Rama është askushi në Shkodër!

Ne nuk do të heqim dorë asnjëherë për ta provuar këtë!”, shkruan Spahia.

 

Të fundit