Flash News

Kërkesa e PS për shtyrjen e orarit të votimit në Vlorë, dështon mbledhja e KQZ

Konflikti në Fushë-Milot, policia del me njoftim: Nuk u gjet asnjë gëzhojë

Përplasja në KZAZ Vorë, KQZ revokon akreditimin e vëzhguesve

Sherr në një qendër votimi në Fushë-Milot, qëllohet me armë

Shifrat/ Vlora, qarku me pjesëmarrjen më të ulët në votime

Ditari i Opozitës

Zhupa: Bashkimi i opozitës ka ndodhur, po finalizohet natyrshëm

Politiko 19 Shtator 2023, 22:48

Zhupa: Bashkimi i opozitës ka ndodhur, po finalizohet natyrshëm

Deputetja demokrate Ina Zhupa, tregoi më shumë mbi opozitën e bashkuar. Sipas Zhupës, rasti i zgjedhjeve në Kukës, me daljen me vetëm një kandidat, tregon se opozita është e bashkuar.

Ndërsa në lidhje me finalizimin e këtij bashkimi, Zhupa e ftuar në 'A Show', u shpreh se do të finalizohet natyrshëm, pasi në këtë proces marrëveshja vjen duke biseduar, duke mos rënë dakord në gjëra të caktuara, por pa harruar destinacionin e synuar.

"Është një opozitë e bashkuar që është përballë Edi Ramës, pra edhe vajtja në Kukës dhe vendodhja ishte një mesazh politik, sepse zgjedhjet ditën e diel janë në Kukës dhe çdo opozitar pavarësisht se çfarë qëndrimi mund të ketë për gjendjen e brendshme për një drejtues a tjetër, duhet të bashkojë votën kundër Edi Ramë.

Ka vetëm dy kandidatë një është kandidati iPartisë Demokratike Emri Vata dhe kandidati tjetër është zëvendësi i Safet Gjicit dhe kjo është ndarja e madhe që bën opozita. Opozita bashkohet për të mbështetur në zgjedhje kandidatin e saj.

Bashkimi po ndodh dhe fakti që ne e kemi kthyer në një rutinë tashmë dhe çdo javë kemi mbledhje, por sot kemi dhe vendim marrje kuptimplota që do diskutojmë thellësisht ndoshta më vonë.

Po ndodh sepse deputetët e kanë arritur atë ndërgjegjësimin që dy vjet kohë e harxhuar me energji kundra njëri-tjetrit nuk prodhon më asgjë për elektoratin që na besuar, nuk prodhon asgjë për të mirë të vendit, asgjë që t’i shkurtosh ditët Edi Ramës .

Pra ky lloj ndërgjegjësimi i gjithë deputetëve na ka çuar ne në atë tryezë të përbashkët, që ndoshta po ta konceptoje dy vjet më parë do ishte diçka normale por nuk realizohej dot sepse nuk kishte arritur ai momenti i ndërgjegjësimit të plotë, që ne nuk ja dalim dot duke u marrë me njëri-tjetrin.

Në këtë proces është shumë mirë që gjërat të vijnë natyrshëm të vijnë si proces, të vijnë duke biseduar, duke mos rënë dakord në gjëra të caktuara, duke i 'smuthuar' me kohën, por duke kuptuar dhe duke mos harruar destinacionin , ku duam të shkojmë.

Të fundit