Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Ditari i Opozitës

Zhupa publikon dokumentin: Kushtetuesja i kërkon qeverisë aktet e UNESKO-s, Agaçi nuk i bindet

Politiko 15 Shtator 2023, 17:30

Zhupa publikon dokumentin: Kushtetuesja i kërkon qeverisë aktet e

Deputetja e Partisë Demokratike, Ina Zhupa ka denoncuar se Gjykata Kushtetuese i ka kërkuar Qeverisë që t’i dorëzojë të gjitha aktet e përkthyera të UNESCO-s, në lidhje me projekt-ligjin e miratuar në Kuvend për marrëveshjen mbi administrimin e Parkut Kombëtar të Butrintit ndërmjet ministrisë së kulturës dhe Fondacionit për Menaxhimin e Butrintit.

Zhupa publikoi në emisionin “Breaking” dokumentin, ku tregon se sekretari i përgjithshëm i Këshillit të Ministrave, Ëngjëll Agaçi ka refuzuar t’i bindet vendimet të Gjykatës Kushtetuese. Sipas saj, ai i ka kthyer përgjigje se nuk do i japë asnjë prej dokumenteve që kërkon, pasi sipas tij, pala tjetër duhet t’i gjejë vetë.

“Në Gjykatën Kushtetuese jemi për shpalljen të paligjshëm, pra për rrëzimin e ligjit për koncesionin e Butrintit. Gjykata Kushtetuese në vendimin e fundit të datës 13 shtator, ka vendosur që të detyrojë Këshillin e Ministrave që të na vërë në dispozicion të gjitha aktet e përkthyera të komunikimeve me UNESCO. Një betejë e gjatë në Gjykatën Kushtetuese, lajmi ekskluziv në fakt për ju është që qeveria shqiptare, Këshilli i Ministrave refuzon të zbatojë vendimet e Gjykatës Kushtetuese.

Na sjell dhe një letër, kjo është letra e firmosur nga Engjëll Agaçi. Kjo është shkresa po e firmosur nga Engjëll Agaçi, i cili i thotë Gjykatës Kushtetuese që ne nuk do t’ju sjellin asgjë nga këto që ju kërkoni, pasi që le ta bëjnë vetë le t’i gjejmë vetë pala tjetër dokumentet e UNESCO-s, pra kemi arritur në një situatë ku Këshilli i Ministrave e pranon vetë që ka gjëra për të fshehur e pranon vetë fakt, sepse gjithë fajtorët mundohen që përfshihen vërtetës dhe të japin sa më pak informacion për krimet që kanë bërë dhe Këshilli i Ministrave, në këtë rast edhe vetë fondacioni për menaxhimin e Butrintit.

Gjatë gjithë kësaj kohe, vetëm janë fshehur. Nuk vijnë, ministrja Margariti nuk vjen në seancë, dy drejtorë të Aleksandër Sarapuli, Martin Mata nuk vijnë seancë, nuk sjellin dokumente nga UNESCO, ato që sjellin nuk i përkthej në mënyrë zyrtare, siç e kërkon ligji, pra bën gjithçka për të fshehur të vërtetën nga procesi i Butrintit, ndërkohë që të kundërtën bëjmë ne ku thërrasin palë edhe kundërshtarin dhe i kërkojmë të vijnë edhe atë.

Ata e kanë kuptuar që nuk mund të jepet si mall tregtar, Butrinti dhe trajtohet si një plazh për të fituar njëri apo tjetri dhe për të shkatërruar historinë dhe identitetin. Unë përsëri do të vazhdoj betejën me prova me fakte në Gjykatë Kushtetuese dhe uroj që Gjykata Kushtetuese ta refuzojë këtë shkresë.

Zotit Agaçi do t’i kërkojë zbatimin e vendimit të saj deri në fund dhe detyrimin e tyre për të përcjellë çdo letër në Gjykatën Kushtetuese të certifikuar, të përkthyer me përkthim zyrtar. Bëhet fjalë jo për shpinë e Engjëll Agaçit, jo për bunkerin e Edi Ramës në Surrel që mund të bëjnë çfarë duan, po bëhet fjalë për pasurinë kombëtare, pasuri botërore që ua lënë trashëgimi fëmijëve tanë dhe brezave të ardhshëm dhe krenari e Shqipërisë në gjithë botën.

Në qoftë se vijnë turistët nuk vijnë për të parë as vilën e Ramës as të Agaçit po vijnë për të parë Butrintin, Gjirokastrën, Beratin pasuri në listën e trashëgimisë botërore UNESCO, që mund të përbëjnë vlerë për gjithë njerëzimin në kohë të kohërave.” – deklaroi Ina Zhupa.

 

Të fundit