Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

DITARI POLITIK

Bordi i Transparencës/ Rama: Është komunist. Berisha: Po i pi gjakun shqiptarëve si shushunjat

Politiko 9 Qershor 2022, 13:15

Bordi i Transparencës/ Rama: Është komunist. Berisha: Po i pi

Çmimi i lartë i naftës ka qenë në fokus të diskutimeve gjatë seancës së sotme plenare në Kuvend. Kryeministri Edi Rama tha se qeveria nuk mund të ndërhyrë, pasi është Bordi i Transparencës që përcakton nivelin e çmimeve.

Sipas Ramës, në kushte normale, Bordi është komunist dhe në kushtet e kësaj krize, është një ndihmë, sepse nuk mund të ndërhyjë shteti e të kontrollojë çmimet me dhunë.

“Ne nuk vëmë tavan të lartë tek karburanti. Vihet një tavan mbi të cilin nuk mund të shkojë. Gjithkush mund të vendos për më pak. Ne nuk jemi komunizëm por ekonomi tregu. Ka një gjë që jam dakort me ju.

Kemi një bord komunist. 100%bord komunist. Por është aty se është një moment jashtë normales. Bordi është komunist dhe në kushtet e kësaj krize, është një ndihmë psikologjike dhe financiare se nuk mund të ndërhyjë shteti e të kontrollojë çmimet me dhunë në një ekonomi tregu. Por Bordi ka një meritë në këtë fazë që të vendosë tavan mbi të cilin të tjerët s’mund të shkojnë”, tha Rama.

Berisha replikoi, duke ngritur akuza ndaj Bordit të Transparencës, ndërsa e akuzoi se po vjedh paratë e shqiptarëve.

“Prej kohësh në këtë parlament, janë denoncuar bordet si institucione të të shkuarës tonë komuniste, dhe sot një bastard i bllokmenëve hoxhistë e konfirmoi këtu se me këtë metodë komuniste ka gjetur shpëtimin e qytetarëve shqoiptarë. E kam denoncuar këtë platformë, si shushunja që po i pijnë gjakun, po u boshatisin xhepat, po i fusin në depresion me çmime katastrofike, në mënyrën më të pamëshiërshëm për të mbrojtur qeverinë. Ai që ia mbathi, kjo zonja këtu bëhet parzmore e tij”, tha ndër të tjera Berisha.

 

Të fundit