Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

DITARI POLITIK

Nis seanca konstituive në Kuvend, PD futet në parlament

Politiko 12 Shtator 2025, 10:16

Nis seanca konstituive në Kuvend, PD futet në parlament

Ka nisur seanca në Kuvend me Himnin Kombëtar. Seanca shënon konstituimin e Parlamentit të dalë nga zgjedhjet e fundit, si dhe hap zyrtarisht rrugën për funksionimin e qeverisë. Pjesë e Kuvendit do të jenë edhe deputetë e Partisë së Lirisë.

Në seancën e parë pritet të ngrihet komisioni i përkohshëm i verifikimit të mandateve.

Në sallë janë ulur 140 deputetë, mes tyre 72 që hyjnë për herë të parë. Në zgjedhjet e 11 Majit, PS arriti të merrte 83 mandate, PD dhe aleatët 50 mandate, ndërsa 7 mandate u takojnë forca të reja, më konkretisht, 3 deputetët PSD e Tom Doshit, 2 deputetë Partia Mundësia e Agron Shehajt, dhe nga një deputet “Nisma Shqipëria Bëhet” e Adriatik Lapajt dhe Lëvizja Bashkë e Arlind Qorit.

Seanca është hapur nga deputeti i PS-së Vasil Llajo. Sipas legjilsacionit, seanca e parë duhej të hapej nga deputeti më i vjetër i Kuvendit, por Sali Berisha së bashku me Tritan Shehun e refuzuan.

Vasil Llajo çeli seancën konstituuese dhe njoftoi ngritjen e komisionit të verifikimit të mandateve, e cila përbëhet nga tre deputetet më të reja të Kuvendit, Marjana Koçeku, Zegjine Çaushi dhe Klodiana Çapja.

 140 deputetë të zgjedhur nga qytetarët do të betohen mbi Kushtetutën e Shqipërisë për përgjegjësitë përfaqësuese dhe ligjvënëse.

Në seancë pritet të jenë të pranishëm edhe përfaqësues të trupit diplomatik ndërkombëtar. Në ambientet e Kuvendit mbërriti e ngarkuara me punë e Shteteve të Bashkuara në Tiranë, Nancy VanHorn, në një sinjal të qartë të vëmendjes që SHBA vijon t’i kushtojë zhvillimeve demokratike në vend.

Të fundit