Flash News

SPAK jep pretencën për "Metamorfozën", 13 vite burg për Dedan Gjonin

Të shtëna me armë zjarri në zonën e Institutit

Konflikti Iran-Izrael, reagojnë muxhahedinët në Manëz: Populli iranian të rrëzojë Khamenein, mirëpresim armëpushimin

Goditet banda shqiptare e kokainës në Gjermani, dajë e nip ‘kokat’ e grupit

Matura Shtetërore/ Sot provimi për lëndët me zgjedhje, i fundit për këtë vit

DITARI POLITIK

Pse Spanja nuk e njeh Kosovën? Përgjigjet Sanchez. Rama e kundërshton

Politiko 1 Gusht 2022, 11:20

Pse Spanja nuk e njeh Kosovën? Përgjigjet Sanchez. Rama e

Kryeministri Pedro Sanchez është pyetur se përse Spanja nuk e njeh Kosovën si shtet të pavarur, gjatë konferencës së përbashkët me homologun Edi Rama në Tiranë.

Ai tha se Spanja mendon se është shkelur e drejta ndërkombëtare dhe se deklarata e pavarësisë së Kosovës ka qenë e njëanshme.

“Mendoj që miqtë e mirë siç është Shqipëria edhe Spanja mund të kenë mosmarrëveshjet e veta. Një deklaratë e njëanshme për pavarësinë , ne mendojmë që është shkelur e drejta ndërkombëtare, prandaj nuk mund të jemi në favor të këtij pranimi, këtë e themi me gjithë respektin që kemi për Shqipërinë”, tha kryeministri spanjoll.

Pas kësaj përgjigje, reagoi Rama, i cili i tha homologut se e kundërta e asaj që Sanchez deklaroi është e vërteta. Rama shtoi se është në të drejtën e homologut të tij që të nxjerrë konkluzione ekstreme. Gjithashtu përgëzoi qeverinë e Kosovës, që u përmbajt ndaj sulmeve dhe që dëgjoi ndërkombëtarët.

“Ju jeni të të drejtën tuaj të nxirrni konkluzione ekstreme, unë ju them se e kundërta është e vërtetë. Ushtrimi i sovranitetit në të gjithë territorin e shtetit të Kosovës, bazuar në marrëveshjen e dakordësuar mes Kosovës dhe Sebrisë në Bruksel nuk është një e drejtë, por është një detyrë e institucioneve të Kosovës.

Unë mbështes qeverinë e Kosovës dhe i mbështes autoritetet në Kosovë që kërkojnë që marrëveshja të zbatohet. Nuk kam asnjë dilemë për këtë. E përgëzoj kryeministrin e Kosovës për sensin e vetëpërmbajtjes dhe për dëgjimin e aleatëve që sugjeruan një shtyrje 30 ditore, jo për të ndryshuar marrëveshjen por për ti dhënë kohës për tu sqaruar dhe kur marrëveshja të hyjë në fuqi mos ketë probleme”, u përgjigj Rama.

 

Të fundit