“Të të vijë turp, hajdutë paskrupuj”, Porti i Durrësit shkakton debate të forta në Komisionin e Ekonomisë

Projekti për Portin e Durrësit, i cili u kalua me procedurë të përshpejtuar nga Kuvendi një javë më parë, ka shkaktuar debate të forta në Komisionin e Ekonomisë dhe Financave, mes deputetëve të opozitës dhe atyre të maxhorancës.

Ishte deputeti democrat Edmond Spaho i cili kërkoi që në komision të ishin të pranishëm personat që kishin firmosur marrëveshjen me investitorin, ministrja e Financave Delina Ibrahimaj dhe zv.kryeministrja Belinda Balluku.

Nga ana tjetër, kryetari i komisionit Eduard Shalsi tha se është një traditë parlamentare përcaktimi i titullarëve që do të jetë të pranishëm në komisione.

Debati vazhdoi me përgjigjet e kundërpërgjigjet mes dy deputetëve. Edhe deputeti Dashamir Shehi kërkoi shpjegim për emergjencën që qeveria po tregon me projektin e Portit të Durrësit.

Ndërhyrja në fund e deputetit Erion Braçe u shoqërua dhe me fjalë ofenduese.

Debati i plotë:

Spaho: Normale është që këtu të vijnë ta mbrojnë projektin ata që kanë firmosur, ministrja e Financave dhe zv kryeministrja. Ta kalosh këtë projekt me zv sekretaren e Përgjithshme, me drejtorin e Portit është shumë qesharake. Na e kurseni këtë komendinë se s’kemi nevojë për të. Ne do flasim për implikimet ekonomike financiare.

Shalsi: në Konferencën e Kryeaerëve është marrë një vendim dhe titullarët më të lartë janë ftuar në komisonet përgjegjëse nuk po bëjmë ndonjë procedurë. E theksoj që tradita parlamentare.

Spaho: Po ca tradite parlamentare. E kemi dëgjuar pafund. Nëse inceneratorët janë vjedhja e shekullit kjo është vjedhja e gjithë historisë. Hidrauliku i Kryeminsitrisë… nuk është serioze kjo që po bëni.

Shalsi: Të të vijë turp që thua hidrauliku i kryeministrisë

Spaho: Unë mbroj interesin e vendit

Shalsi: Me këtë gjuhë aspak etike

Spaho: Ju jeni hajdutër të paskrupullt e më tregon mua etikën

Shalsi: Gjuhë aspak etike. E kuptoj që ke ardhur …

Spaho: Po vidhni për të ndërtuar pallate, për të shitur Rama pallate.

Shalsi: E kuptoj që e keni humbur qetësinë nuk keni faj është miomenti për të celebruar ardhjen e një investitori të madh

Spaho: Që vjedh bashkë me ju, ju jeni hajdutët më të mëdhenj se atë e keni maskë

Shalsi: Ai që do të të hapë ty sytë si investitor. Kam një kërkesë, mbaji mend këto që po thua. Të paaftë për të analizuar. Nuk është në nderin tonë me akuza e ofendime si ato në hyrje të celjes së disktuimeve

Spaho: Ju ka shkel Edi Rama me këmbë.

Shehi: Unë pyeta për një procedurë që e kërkon logjika dhe ligji. Nuk më hyn në punë shumë se pse ka ikur një investitor nga këtu në Mal të Zi. Këtu Shqipërisë i kanë ikur mijëra investitorë. Nuk është kjo filozofia mbi të cilën e ndërton punën një komision. Rruga e mbarë po i them. Nuk bëhet kështu shteti, po e bëjmë punën me ngut se po ikën. Ai nëse nuk i intereson biznesi ikën.

Shalsi: Nuk është argument ‘udha e mbarë’.

Shehi: Po nëse nuk i intereson Shqipëria, udha e mbarë.

Shalsi: Nuk e kemi luksin t’i themi rruga e mbarë. Ne jemi kthyer në lypsarë për të tërhequr investitorë në Shqipëri.

Braçe: Këtu nuk ka asgjë për të fshehur, sa kohë që këtu kanë ardhur…Fole ti, a të flas unë. Ka mundësi të dëgjosh po deshe, të lutem mos më ndërhy. Sa kohë që këtu kanë ardhur ligj marrëveshje për Marinën, marrëveshje zhvillimi, plan financiar fizibiliteti, korordinata, marrëveshje kuadër për jahtet, plan biznesi, masterplan e tj me radhë dhe nëse ka dhe të tjera unë do ju llutesha të vijnë të gjitha, pikërisht për këtë arsye mendoj se nuk ka asgjë për të fshehur.

Spaho flet pa mikrofon

Braçe: Ik e pirdhu…mbyll mikrofonin me forcë