Flash News

Video/ Kodrat e Dukatit përfshihen nga flakët, zjarri përhapet me shpejtësi mbi fshat

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

KRYESORE

Dosja ‘Tahiri’/ Si nisi rënia e ‘kampionit’ të Ramës, e deri tek vendimi për arrestimin e tij

Politiko 20 Shtator 2019, 10:57

Dosja ‘Tahiri’/ Si nisi rënia e ‘kampionit’ të

Gjykata e Krimeve të Rënda dha dje vendimin për ish-ministrin e Brendshëm, Saimir Tahiri, duke e dënuar me 5 vite burg, që do të konvertohet në 3 vite e katër muaj shërbim prove. Gjykata e shpalli ish-ministrin të fajshëm vetëm, për veprën penale “shpërdorim detyre”, duke hedhur poshtë tre akuzat e tjera që rëndonin mbi të.

Por si ka nisur dhe çfarë ka ndodhur me çështjen Tahiri, që e ka zanafillën 4 vite më parë?

Historia e çështjes Tahiri nisi me deklaratat dhe akuzat e rënda të Dritan Zaganit drejtuar ish ministrit të Brendshëm. Ish shefi i Antidrogës në Vlorë e akuzoi Sajmir Tahirin në shtator të vitit 2015 se po dekonspironte aksionet e policisë për kapjen e trafikantëve të drogës.

Këto akuza do të pasonin me lidhjen e automjetit të Tahirit, i cili rezultonte ligjërisht në emër të këtij të fundit, por që nga ana tjetër përdorej nga një trafikant droge. Këto akuza ndaj ish ministrit të Brendshëm por edhe policisë së Vlorës, Zagani do t’i jepte nga Gjeneva e Zvicrës ku ai kishte përfituar azil.

Akuzat e ish shefit të Antidrogës në Vlorë u hodhën poshtë nga Sajmir Tahiri dhe kryeministri Edi Rama, por më pas do të shpërthente një ‘bombë’ akoma më e madhe. Pas jo më shumë se një muaji policia italiane njoftoi se ishin arrestuar 7 persona për trafik droge dhe se kreu i grupit ishte Moisi Habilaj, kushuri i ish ministrit Tahiri.

Për sa i përket këtij grupi, ka qenë një hetim gati më shumë se një vjeçar nga drejtësia italiane me përgjime, me dosje tepër voluminoze, në të cilën përmendej edhe emri i ish ministrit të Brendshëm dhe antarëve të grupit, ndërkohë që tashmë pas hekurave qëndrojnë kreu i këtij grupi, Moisi Habilaj që është dënuar me 17 vjet heqje lirie.

Të nesërmen e arrestimit të grupit të Habiljave, Partia Demokratike publikoi dosjen e plotë me 413 faqe, mes të cilave përmendej edhe emri i Sajmir Tahirit. E menjëhershme ishte kërkesa e Prokurorisë së Krimeve të Rënda ndaj Kuvendit, ku kërkonte si pikë të parë arrestimin e ish ministrit të Brendshëm.

Përpara se kjo të vendosej me votë, në kryesinë e grupit parlamentar foli edhe kryeministri Rama, i cili lëshoi një deklaratë të fortë ndaj ‘kampionit’ të tij.

“S’besoj se ka nevojë të them këtu, pse do të ishte zhgënjimi më i rëndë në kujtesën time dhe mësimi më i hidhur i jetës sime në shërbimin publik, nëse do të zbuloja në fund të kësaj historie se Saimir Tahiri nuk është ai që unë njoh, që e kanë besuar e mbështetur me gjithësej, pas meje, kaq shumë njerëz, po një vemje, e cila e turpëron fjalën njeri!”

Ky ishte sinjali i parë i ‘lëshimit’ të Tahirit nga kryeministri e më pas nga pjesa tjetër e socialistëve. Më pas Rama sulmoi drejtpërdrejt edhe Prokurorinë e Krimeve të Rënda, duke i akuzuar se deri në atë çast ‘nuk kishin lëvizuar gishtin as për çështjet me fakt e prova që shihen ashiqare’.

Një ditë pas vendimit të KQZ-së për zëvendësimin e Tahirit, i cili kishte dhënë dorëheqjen nga posti i ministrit të Brendshëm ku ai kishte qëndruar më gjatë se çdo ministër tjetër, Krimet e Rënda kërkuan arrestimin e tij, por Gjykata vendosi për ‘arrest shtëpie’.