Doli politikani më i votuari në 25 prill, pse Rama i hoqi postin drejtues Taulant Ballës dhe e ‘degdisi’ në Fier

Ndonëse ishte ndër emrat e parë të konfirmuar para shpalljes së qeverisë, nga kryeministri Edi Rama, si kreu i grupit parlamentar të PS, Taulant Balla nga sot nuk do të mbajë më postin e Sekretarit të Përgjithshëm dhe nuk do të jetë drejtues politik më qarkun e Elbasanit, por atë të Fierit.

Ky qëndrim i Ramës ndaj Ballës ka ngjallur reagime të shumta në qarqet mediatike.

Kujtojmë se Balla në zgjedhjet e fundit doli si politikani më i votuar në Shqipëri duke lënë pas edhe vetë Ramën e Bashën, krerët e dy partive kryesore në vend.

Pavarësisht këtij fakti, Rama e ‘goditi’ duke i kaluar drejtimin si Sekretari i Përgjithshëm i PS tashmë jo më Ballës, por Damian Gjiknurit.

Kreu i qeverisë shprehu mirënjohjen për Ballën dhe tha se “ka mbajtur dy kunguj nën një sqetull” gjatë këtyre viteve.

Lajmin duket se Balla nuk e priti mirë, ku pas zyrtarizimit të drejtuesve të rinj ‘thumboi’ Gjiknurin duke i kujtuar se “në Elbasan nuk bie tërmet", duke i kujtuar përgjimet e gazetes gjermane Bild, ku ish-ministri u kap duke biseduar me Imer Lalën dhe i thoshte “tërmet e bëmë tërmet”, referuar rezultatit të zgjedhjeve në Dibër.

Nuk dihet pse erdhi ky distancim i Ramës, por kujtojmë se gjatë 8 viteve, veçanërisht në mandatin e dytë, Taulant Balla është akuzuar kryesisht nga opozita, për përfshirje në shumë skandale të qeverisë.

Gjatë fushatës së zgjedhjeve të fundit, deputetja e zgjedhur e PD, Jorida Tabaku deklaroi se në zonën Taulant Ballës të numërimit të votave ishte vënë re përdorimi i krimit të organizuar për intimidimin e numëruesve. Duke denoncuar në media,Tabaku listoi disa nga shkeljet që u bënë gjatë 25 prillit, si dhe pas 25 prillit.     

“Në disa zona të vendit grupet kriminale ishin të pranishme rrotull qendrave të votimit.  Po kështu qeveria përdori edhe të dhënat private te qytetarëve në fuksion të zgjedhjeve.

Duke patur qeverinë kundër e cila, siç thotë raporti i ODIHR, përdori çdo burim shtetëror dhe administratën publike ne këto zgjedhje, heqja e emrave te kandidateve nga fletët e votimit, kur të gjithë ramë dakord për këtë, gjë që çoi në numrin më të lartë të fletëve të pavlefshme, plot 85 mijë të tilla. Ajo që do të bëjmë është ndjekja ligjore e të gjitha denoncimeve për krime zgjedhore”, tha Tabaku.

Balla është përfolur edhe për shumë skandale të tjera.

Kryetari i PD-së Lulzim Basha paralajmëroi nëpërmjet një fjalimi në qershor 2018 parlament se drejt Shqipërisë ishte nisur me anije nga një vend perëndimor, një makinë Toyota Yaris e mbushur me euro, dërgesë e krimit të organizuar për t’u pastruar në Shqipëri, nën mbrojtjen e Taulant Ballës. Pas disa ditësh, në Portin e Durrësit u kap vërtet një makinë Toyota Yaris në bordin e së cilës u gjetën të fshehura 3,4 milionë euro.

Në denoncimet e mëpasshme nga PD-së, Balla u akuzua se ai kishte zhvilluar një takim në Selanik me element kriminalë ku ishte diskutuar për këtë dërgesë, dhe ky takim ishte regjistruar nga shërbime inteligjence. Balla i mohuar kategorikisht këto akuza dhe prokuroria e mbylli çështjen me shpalljen në kërkim të disa persona dytësor në këtë skemë pastrimi parash.

Pa u mbyllur ende jehona e “Toyota Yaris”, doli skandali i audio përgjimit për vëllanë e ministrit të Brendshëm Fatmir Xhafaj, Agron Geron Xhafaj. Pasi shumica socialiste deklaroi pretendonte se zëri në audio-përgjimin e Albert Veliut ishte i një personi te futur nga PD, Fredi Alizotit, deputeti Ervin Salianji bëri publike një video ku në fakt Alizoti tregonte se ai kishte marrë para nga Taulant Balla për të sajuar këtë histori për të pretenduar që është ai dhe jo Agron Xhafaj në përgjimin fillestar.  Balla i ka mohuar edhe këto akuza, kurse hetimi i prokurorisë dihet se si përfundoi.

Ai u akuzua nga ish-oficeri i policisë Emiljano Nuhu i cili tashmë gjendet në azil politik, se nr. 2 i PS-së kishte ndërhyrë me prezencën e tij në komisariat që Nuhu të mbyllte çështjen duke u kërcënuar për të mos arrestuar djalin e deputetit socialist të Krujës, Rexhep Rraja. 

Balla u akuzua nga opozita edhe për lidhje të dyshimtë mes tij dhe Edmond Begos, të arrestuar në Itali në bazë të një urdhër-arresti të lëshuar nga Italia.

PD e akuzoi se ka udhëtuar jashtë vendit me shume se 25 herë me Begon dhe se ka përdorur plot 18 herë CHARTER-in për udhëtime jashtë Shqipërisë, nën shoqërinë e Begos.

Ndërkohë duket se Balla nuk pushon dhe shfaqet në çdo skandal të radhës, që publikohet dhe denoncohet. Pasi autoritetet greke arrestuan një individ-biznesmen shqiptarë të quajtur Edmond Bego, në bazë të një urdhri të lëshuar nga drejtësia italiane, u mësua se ky person i dënuar me 21 vjet burg për trafik kokaine në Itali, ishte mik i ngushtë me Taulant Ballën. Këtë herë Balla e pranoi njohjen me biznesmenin publikisht por se nuk ishte në dijeni se ai ishte i dënuar për trafik ndërkombëtar droge në Itali.