Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

E SHPJEGUAR

Gjermania ul çmimin e transportit publik, në Shqipëri po njësoj dhe pa standarte. Sa përfitojnë qytetarët nga plani i Këlliçit?

Politiko 9 Maj 2023, 15:30

All - Paragraf - 1

Gjermania ul çmimin e transportit publik, në Shqipëri po

Transporti publik është ndër problemet kryesore që Shqipëria ka hasur vitet e fundit, ku çmimet e biletave dhe aboneve janë rritur ndërsa standartet e urbanëve janë si mos më keq. Shpesh shohim qeverinë që thotë që këto çmime janë dhe në vende të tjera. Po sa e vërtetë është kjo?

All - Paragraf - 3

Gjermania sëfundmi ka miratur ligjin e një aboneje mujore që do të kushtojë vetëm 49 euro. Kjo do të përfshijë të gjithë llojet e transporteve si trame, metro, autobusa dhe njerëzit janë “vërsulur” për t’i blerë këto.

Bileta është shumë e përshtatshme për ata që udhëtojnë në qytet apo në afërsi, por për udhëtimet në shtigje më të gjata, mund të kërkojë shumë kohë për të arritur nga një vend në vendin tjetër, sepse duhet udhëtuar me trena rajonalë.

Në vendin tonë ndërkohë çmimet e aboneve janë po njësoj dhe problemi më i madh është që nuk vlejnë për të gjithë linjat e autobusëve. Përshembull qytetarët duhet të pajisen me një abone të Kamzës që të mos paguajnë udhëtimin, pasi abonetë e tjera për këtë linjë nuk vlejnë dhe si rrjedhojë detyrohen të paguajnë përsëri.

Belind Këlliçi kishte thënë se plani i tij për transportin publik falas do të kushtojë vetëm 6.8% të buxhetit dhe i lehtëson qytetarëve të Tiranës 52 mijë lekë në muaj.

"Shënjestër kryesore të programit tim kam pasur uljen e kostos së jetesës për qytetarët. Kemi hartuar një program që ka zgjidhjet për problemet e qytetarëve, siç është transporti. Unë kam thënë autobusin falas, për të cilin lekët do gjenden nga paratë që shkojnë për inceneratorin e Tiranës. Ndihmojmë 200 mijë qytetarë në ditë dhe kushton vetëm 6.8% të buxhetit, kjo masë i lehtëson me 52 mijë lekë në muaj”, deklaroi Këlliçi.

Duke pasur parasysh që Gjermania është një vend me standarte shumë të larta dhe me një prej infrastrukturës më të mirë përsa i përket transportit publik, çmimi prej 49 eurosh është mjaft i volitshëm. Mos harrojmë se vlen për të gjitha llojet e transporteve publike.

Kurse Shqipëria që radhitet si një prej vendeve më të varfëra në rajon, çmimi i transportit është i lartë për kushtet jo të favorshme si vonesat e autobusëve, pa ajër të kondicionuar dhe radhë të gjata pritjeje për të blerë abone.