Flash News

Departamenti i Shteti 'rrëzon' non grata-n: Berisha mund të vijë në Amerikë. Çfarë do të thotë, dhe pse u mor vendimi pak ditë para 11 majit?/ E SHPJEGUAR

Kërkimet për 29-vjeçarin në Klos, Kosova vjen në ndihmë me një kontingjent kërkim-shpëtimi

Kulla e heshtjes, ndërtimi 16-katësh që sfidon ligjin dhe komunitetin në zemër të Tiranës

Aksident në aksin Elbasan-Peqin, plagosen tre efektivë policie

Kamioni përplaset me ambulancën, policia: Infermieri dhe babai i pacientit mes të plagosurve

E SHPJEGUAR

Lulzim Basha thotë se ‘nuk ka humbur asnjë garë’, por dështoi në shtatë palë zgjedhje që nga 2013-ta

Politiko 7 Mars 2022, 20:11

Lulzim Basha thotë se ‘nuk ka humbur asnjë garë’, por

Kryetari i Partisë Demokratike Lulzim Basha, duke komentuar rezultatin negativ të PD-së në zgjedhjet e 6 marsit, tha se nuk ka humbur asnjë garë në jetën e tij, por është përballur me masakra zgjedhore.

“Propagandës dua t’i them se nuk kam humbur asnjë garë por po flasim për masakra zgjedhore. Në veçanti në këtë betejë dhe në ketë dy plane beteje është rikthimi i besimit tek shqiptarët”, u shpreh Basha.

Por në fakt, sa palë zgjedhje ka humbur Basha që nga viti 2013 kur mori drejtimin e Partisë Demokratike?

Bilanci i tij në drejtim të PD është humbja e thellë në 7 palë zgjedhje.

Edhe pse tentoi të ekspozohej në publik si një lider me vokacion perëndimor, kreu i PD u bë pjesë e disa vendimeve tepër të debatueshme, që kulmuan me djegien e mandateve dhe bojkotimin e zgjedhjeve lokale të 2019. Dy vendime që çuan në dobësimin e mëtejshëm të PD-së nën drejtim e tij dhe daljen plotësisht nga sistemi.

Nëse do të përmblidhnim edhe zgjedhjet e pjesshme lokale në Korçë dhe Dibër, shifrat flasin qartë kundër Bashës. Në drejtimin e Lulzim Bashës, Partia Demokratike ka humbur zgjedhjet lokale të 2015, zgjedhjet parlamentare të 2017. Lideri i PD ka humbur edhe dy palë zgjedhje lokale në Korçë dhe Dibër.

Shpresa e fundit e tij ishin zgjedhjet parlamentare të 25 prillit, të cilat praktikisht i dhanë edhe goditjen më të madhe.

Së fundmi, Basha mori një rezultat shumë të dobët edhe në zgjedhjet e pjesshme vendore në 6 bashki të venditm të mbajtura dje.

Veç bashkisë së Rrogozhinës ku doli forcë e dytë, në 5 bashkitë e tjera u rendit e në vendin e tretë. Pavarësisht humbjeve të thella dhe të njëpasnjëshme, deri tani Lulzim Basha ka refuzuar të japë dorëheqjen nga drejtimi i Partisë Demokratike.

 

Të fundit