Flash News

Bie zjarr në një pallat në Astir

KAS i rrëzoi kërkesën për rinumërim të votave, Alimehmeti padit KQZ-në në Kolegjin Zgjedhor

Mahmut Orhan sjell një eksperiencë unike me Curious X

Gjashtë policë dërgohen në gjyq, nuk vendosnin gjoba edhe pse shikonin shkelje

Vrasja e Martin Canit/ 5 të mitur thirren për të dëshmuar në Gjykatë, autori mohon akuzat

E SHPJEGUAR

Pas ‘gjyqit’ në mbledhjen me dyer të mbyllura te blofi në Kuvend, si po përshkallëzohet përplasja Balluku-Spiropali

Politiko 19 Dhjetor 2024, 16:59

Pas ‘gjyqit’ në mbledhjen me dyer të mbyllura te blofi

Një incident ndodhi sot në seancën plenare teksa Kryetarja e Kuvendit, Elisa Spiropali doli blof nga zv.kryeministrja Belinda Balluku.

Ishte deputeti opozitar, Agron Shehaj, ai i cili kërkoi një interpelancë me Ballukun për aksin Thumanë-Kashar, por Spiropali u shpreh se numri dy i Qeverisë “ndodhej jashtë vendit”, por në fakt ajo u shfaq pak më vonë në sallën e Kuvendit. Ky blof i drejtueses së Kuvendit shkaktoi edhe acarimin e opozitës, e cila nisi replika të ashpra me Spiropalin për disa orë me radhë.

Përplasjet Balluku-Spiropali

Mbledhja e Grupit Parlamentar të Partisë Socialiste disa javë më parë ka qenë shumë më e tensionuar sesa tregonte njoftimi zyrtar i shpërndarë nga zyra e shtypit e socialistëve.

Në media u përfol se mes tyre kishte ndodhur një përplasje e forte.
Burime të brendshme treguan se mbledhja kishte marrë formën e një “gjyqi” të hapur ndaj Spiropalit. Në krye të kritikave ishte zëvendëskryeministrja Belinda Balluku, e cila me tone të ashpra e akuzoi për keqmenaxhim të seancës plenare të javës së kaluar, ku mazhoranca futi me ngut projektligjin për faljen e gjobave. Balluku akuzoi se Spiropali kishte favorizuar opozitën, duke i dhënë hapësirë të pamerituar dhe duke shkelur rregulloren.

Akuzat për lidhje të fshehta

Gazment Bardhi ka përmendur shpesh emrin e Pëllumb Gjokës kur ka kritikuar publikisht Elisa Spiropalin, duke ngritur pyetje për “dhuratat” që ajo mund të ketë marrë prej tij. Edhe pse nuk është e qartë nëse Balluku kishte në mendje këto akuza kur goditi Spiropalin, insinuatat e saj shtuan më tej tensionin në mbledhje.


Lapsi.al shkroi më herët se pas Ballukut, sulmit iu bashkuan edhe figura të tjera të rëndësishme të Partisë Socialiste. Taulant Balla, Erion Braçe dhe Blendi Klosi përdorën të njëjtën gjuhë për të shprehur pakënaqësitë e tyre ndaj Spiropalit. Megjithatë, pati edhe qëndrime më të zbutura, si ai i Niko Peleshit dhe Mimi Kodhelit, të cilët preferuan një qasje më diplomatike.

Interesante është fakti se Spiropali mungonte në mbledhje, çka ka ngritur dyshime se ajo mund të kishte dijeni për atë që po ndodhte në prapaskenë dhe kishte zgjedhur të mos përballej.

 

Të fundit