Flash News

Përplasen dy makina në tunelin e Kalimashit, tre të plagosur

Vodhi 11 200 euro aksesorë, arrestohet hajduti 'serial' i syzeve në Tiranë

Ushtroi dhunë dhe kanosi me armë bashkëshorten, arrestohet 40-vjeçari në Kamëz

Tiranë/ I riu dhunohet brutalisht dhe merret peng

Përfaqësues të SHBA dhe OSBE marrin pjesë në meshën për Papa Françeskun në Katedralen "Shën Pali"

E SHPJEGUAR

Sot BE miratoi vendimin, hapat që i duhen Kosovës për të lëvizur përfundimisht pa viza

Politiko 9 Mars 2023, 18:11

Sot BE miratoi vendimin, hapat që i duhen Kosovës për të

Këshilli i Ministrave të Bashkimit Evropian ka miratuar liberalizimin e vizave për Kosovën. REL ka publikuar një foto në të cilën shpjegohet ecuria e proçesit të liberalizimit të vizave.

Por kur do të jetë data zyrtare e liberalizimit të vizave për Kosovën?

Ambasadori i Francës në Prishtinë, Olivier Guerot kishte deklaruar për mediat kosovare se janë dy data të mundshme për këtë çështje.

“Janë dy data të mundshme, është ose kur sistemi ETIAS fillon të punojë ose afati më i fundit do jetë 1 janari i vitit 2024. Janë diskutime teknike ku unë nuk mund të tregoj datat e sakta. Mendoj se jemi duke iu ofruar kohës kur qytetarët e Kosovës udhëtojnë pa viza për 90 ditë”, ishte shprehur Guerot.

Ky në fakt është një proçes që ka filluar që nga korriku i vitit 2018, kur Komisioni Evropian rekomandoi liberalizimin e vizave për Kosovën. Që nga ajo ditë e deri në marsin e 2023, ku Këshilli i Ministrave miratoi me shumicë të thjeshtë liberalizimin e vizave, janë kaluar një sërë peripecish, por asgjë nuk është mbyllur.

Sot BE miratoi vendimin, hapat që i duhen Kosovës për të

Kanë mbetur dhe tre hapa që liberalizimi i vizave të hyjë në fuqi. Hap i radhës është që akti ligjor të nënshkruhet nga përfaqësuesit e institucioneve të BE-së. Më pas ky vendim do të publikohet në Gazetën Zyrtare dukë përfshirë datën e hyrjes në fuqi.

Sipas parashikimeve të mundshme, liberalizimi i vizave për Kosovën do të hyjë në fuqi në janar të vitit 2024.

 

Të fundit