Flash News

Aksident pranë shkollës “Ismail Qemali” në Tiranë, plagoset rëndë motoristi

Votat e diasporës/ Gafë apo manipulim?!Numërohen 43 mijë fletë, ndërkohë që ishin regjistruar vetëm 42 mijë votues

Shkrimtarja polake: Rrofsh parti, rrofsh brez i ri politikanësh shqiptarë me mbështetje nga mafia!

Sulmohet me breshëri kallashnikovi një automjet i blinduar në Greqi, shpëton shoferi

Zgjedhjet 2025/ Rreth 50 mijë zarfe pezull, nis sot numërimi i votave nga Greqia

E SHPJEGUAR

“Të mbështesim kandidatët e dalë nga Primaret”, Alibeajt i del situata nga kontrolli, deputetët që i dalin kundër

Politiko 27 Mars 2023, 18:07

“Të mbështesim kandidatët e dalë nga Primaret”,

Kolegji Zgjedhor vendosi që Partia Demokratike të shkojë në zgjedhje me kryetar të komanduar Enkelejd Alibeajn. Megjithatë situata në grupin e tij nuk është e qetë, pasi ka pasur përplasje në lidhje me mënyrën sesi do të dalin në zgjedhje.

Vetë Alibeaj dhe një pjesë e anëtarëve që e mbështesin, kanë kërkuar që PD të dalë në zgjedhjet lokale të 14 Majit me 61 kandidatë në të gjitha bashkitë e vendit si dhe me kandidatë për këshillat bashkiakë

Në mbledhjen e fundit të grupit parlamentar pati debate mes deputetëve pasi nuk kishte konsensus. Arsyeja ishte se 8 deputetë ishin kundër Alibeajt dhe kanë kërkuar që të mos nxjerrin kandidatë për kryetarë, kjo në mënyrë që PD të dalë me kandidatë unikë.

Në grupin e “rebelëve” bënin pjesë Gazment Bardhi, Jorida Tabaku, Dhurata Çupi, Saimir Koreshi, Dashnor Sula, Lefter, Gështenja, Flamur Hoxha, Bledion Nallbati.

Tabaku ka qenë shprehur se opozita duhet të dalë me kandidatë unikë.

“Opozita duhet të dalë me kandidatë unikë. Nuk duhet në asnjë mënyrë që ne të bëjmë betejë kundër nesh. Nuk e bëj dot që të kërkoj votën kundër kolegëve të mi”, ka thënë Tabaku.

Dashnor Sulo ndërkohë kishte bërë një status në profilin e tij në “Facebook”, ku thoshte se nuk duhet të nxjerrin kandidatë kundër Primareve dhe se kjo lëvizje ndihmon partinë në pushtet.

“Ne nuk duhet të nxjerrim kandidat kundër kandidatëve të PRIMAREVE. Unë distancohem nga kjo lëvizje. Është e gabuar të çajmë votën opozitare. Ndihmon partinë në pushtet.", ka thënë Sulo.

Jo më pak kritik ka qenë dhe Agron Gjekmarkaj, i cili kishte bërë analizë situatës në Partinë Demokratike. Ai u shpreh se nëse nuk ka 61 njerëz për t’i nxjerrë kandidatë atëherë Alibeaj duhet t’ja çojë vulën Berishës.

Të fundit