Ulje e të infektuarve? Si është reduktuar numri i testimeve në 10 ditët e fundit

Gjashtë persona të moshave 54- 83 vjeç kanë humbur jetën nga Covid-19 në vendin tonë në 24 orët e fundit.  

Po ashtu, sot u raportua nga Ministria e Shëndetësisë edhe një rënie e ndjeshme e personave të infektuar, 285 raste të reja.

Prej ditësh ka patur një numër në rënie i fataliteteve, por paralelisht është vënë re edhe një tendencë në ulje e numrit të testimeve, që sjell automatikisht edhe më pak raste të personave të prekur me Covid-19.  

Kështu, për raportin e sotëm (285 raste të reja) janë kryer vetëm 1893 testime, pra kemi një ulje të numrit të testimeve duke sjellë rrjedhimisht edhe ulje të rasteve pozitive.

Ndaj, po ju sjellim në vëmendje se si janë shpërndarë testimet në 10 ditët e fundit.

Më poshtë, ju sjellim numrin e testimeve dhe numrin përkatës të të infektuarve të 10 ditëve të fundit.

20 mars, 3251 testime, 519 raste të reja

21 mars, 3487 testime, 659 raste të reja

22 mars, 1993 testime, 344 raste të reja

23 mars- 2174 testime, 303 raste të reja

24 mars - 2475 testime, 448 raste të reja

25 mars- 2794 testime, 472 raste të reja

26 mars, 3012 testime, 449 raste të reja

27 mars- 3070 testime, 425 raste të reja

28 mars- 2993 testime, 493 raste të reja

29 mars - 1893 testime, 285 raste të reja  

 

Deri tani kanë humbur jetën nga Covid-19, 2216 persona, ndërsa aktualisht janë aktivë 32,179 të prekur.