Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

E-TJERA

Plumba në gjoks dhe në krah, detaje nga plagosja e 40-vjeçarit në Shkodër

Politiko 20 Dhjetor 2023, 13:42

Plumba në gjoks dhe në krah, detaje nga plagosja e 40-vjeçarit

Detaje të reja kanë dalë nga plagosja e një dite më parë në qendër të qytetit të Shkodrës të Aleksandër Curajt.
Mësohet se 40 vjeçari dy prej katër plumbave i ka marrë në pjesë e gjoksit ndërsa ka fraktura edhe në krah.
Ndërkohë autori i dyshuar i plagosjes shtetasi Dedë Bici i shpallur në kërkim ende nuk është arrestuar nga forcat e policisë.
Autori i dyshuar pasi kreu plagosjen u largua me një biçikletë nga zona e këmbimit valutor por arriti që t’i shpëtojë ndjekjes së policisë.
I plagosuri Aleksandër Curaj dhe autori i dyshuar Dedë Bici kanë patur një lidhje familjare mes tyre pasi Curaj është nipi i baxhanakut i Bicit. 40 vjeçari Aleksandër Curaj i kishte një borxh parash shtetasit Dedë Bici që nuk ia kishte dhënë ende. Autori i dyshuar prej disa kohësh i kërkonte që t’i shlyente borxhin gjë e cila solli edhe konfliktin fizik e më pas plagosjen e 40 vjeçarit.
Një ditë më parë fillimisht i plagosuri dhe autori janë përfshirë në një sherr fizik me grushte. Një polic që ishte civil në atë moment ka ndërhyrë duke i ndarë por të dy i kanë thënë policit se do ta zgjidhin vetë pasi kanë një problem lekësh.
Vetëm pak minuta më pas shtetasi Dedë Bici dyshohet se ka nxjerrë pistoletën që e kishte me vete dhe ka qëlluar katër herë në drejtim të 40 vjeçarit Aleksandër Curaj i cili mbeti i plagosur rëndë por pas ndërhyrjes kirurgjikale nga mjekët e spitalit rajonal Shkodër gjendja e tij u stabilizua edhe pse ende rrezikun për jetën nuk e ka kaluar plotësisht.
Ndërkohë policia vendore e Shkodrës vijon punën për arrestimin e autorit të dyshuar që u largua me një biçikletë në mes të qytetit dhe për zbardhjen e plotë të kësaj plagosje të ndodhur në orën 9:00 të 18 dhjetorit.

Të fundit