E-TJERA

8 janari/ Meta zbardh bisedën me Këlliçin 1 orë para protestës, direktivat që i dha deputetit

8 janari/ Meta zbardh bisedën me Këlliçin 1 orë para

Presidenti Ilir Meta i është përgjigjur thirrjes së kryedemokratit Lulzim Basha, kur ky i fundit e paralajmëroi të qëndrojë larg selisë blu, dhe të mos ndërhyjë në konfliktin e brendshëm mes tij dhe ish-kryeministrit Berisha.

Në konferencën e njoftuar për mediet, Meta zbardhi një bisedë me deputetin demokrat Belind Këlliçi, vetëm një orë para se të niste protesta para selisë blu.

“I kërkoj falje zotërisë, Është Belind Këlliçi. Kur kam parë makinat në oborrin e PD-së e vlerësova si provokativ. Për këtë qëllim e kam marrë në telefon Belindin. S’e ka hapur. Kujdes i them të m,os preket asnjë makinë në oborr se është provokim. Po po s’bëhet fjalë më tha. Në 11 e 10, 20 minuta para se të hapej dera dhe 1 orë para se të fillonte protesta. Mos humbni kontrollin paqësor të protestës i kam thënë. Po më tha. Presidenti është i qartë dhe i drejtpërdrejtë. Dhuna ka qenë nga të dyja anët dhe është tepër evidente”, deklaroi Meta.

Nga ana tjetër, Meta dënoi dhunën e përdorur nga të dyja palët në protestën e 8 janarit, teksa rikujtoi se zgjidhja e vetme e këtij konflikti duhet të jetë vetëm vota transparente, dhe jo mjetet fizike e policeske.

“8 janari në vlerësimin tim nuk është një ngjarje e izoluar, por është një moment tragjik i një procesi politik degradues që po zhvillohet prej muajsh e vitesh, thelbi i të cilit është mungesa e ballafaqimit demokratik me votë të lirë dhe transparente. Jemi ende n e kushte ku demokracia shqiptare është minuar prej vitesh nga kapja. Prej muajsh e vitesh po bëhemi dëshmitari për kërcënimin e një institucioni pluralist atë të opozitës. Nuk dua të bëhem palë në konfliktin që ka lindur në PD, por si president jam i shqetësuar për përshkallëzimin e konfliktit në opozitë, që duhet të ketë vetëm një zgjidhje: votën transparente. Përdorimi i forcës ndaj dyerve e dritareve, apo protestuesve është i dënueshëm. Akuzat për infiltrimin e mundshëm të personave me precedentë kriminalë brenda PD-së, është alarmante. Mjetet fizike dhe policeske nuk mund të jenë zgjidhje për asnjë palë. Zhvillimet e 8 janarit sollën edhe një shembull pozitiv, siç është dorëheqja e rojës së PD për të mos qenë dëshmitar i dhunës”, tha Meta.

Të fundit