Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

E-TJERA

McGonigal deklarohet sot fajtor për dosjen shqiptare

Politiko 22 Shtator 2023, 11:18

McGonigal deklarohet sot fajtor për dosjen shqiptare

Është shtyrë me 2 orë seanca për pranimin e fajësisë së ish-agjentit të FBI-së Charles McGonigal. Seanca ishte planifikuar të mbahej në orën 14:00, është shtyrë për në orën 17:00.

Ish-agjenti i lartë i FBI-së, Charles McGonigal, pritet të deklarohet fajtor për akuzat se ka fshehur 225,000 dollarë pagesa në cash nga një ish-oficer i inteligjencës shqiptare.

Palët do t'i dërgojnë gjykatës dokumentet e pranimit sa më shpejt të jetë e mundur. Dokumentet për pranimin e fajësisë duhet të përfshijnë: kundërvajtje(ve) të akuzuara dhe dispozitë ligjore,  akuzat për pranimin e fajësisë dhe dispozitat ligjore, elementet e veprës penale,  kopje e marrëveshjes për pranimin e fajësisë, dënimet, dhe llogaritjet udhëzuese.

McGonigal pranoi në gusht fajësinë në një gjykatë në Nju Jork lidhur me akuzën për shkelje të sanksioneve amerikane ndaj Rusisë, duke punuar pas daljes në pension për oligarkun rus Oleg Deripaska, të cilin më parë ai e kishte hetuar. McGonigal pranoi se kishte marrë mbi 17,000 dollarë nga oligarku rus për të siguruar informacione negative për një tjetër oligark rus, rival të tij. Shtetet e Bashkuara kanë vënë sanksione ndaj oligarkut Deripaska, që nga viti 2018, për arsye që lidhen me pushtimin e Krimes nga Rusia.

Në këmbim të pranimit të fajësisë, prokurorët hoqën dorë nga akuza të tjera në lidhje me bashkëpunimin e zotit McGonigal me Deripaskën.

Në një proces tjetër në një gjykatë federale në Uashington, McGonigal është akuzuar se ka marrë rreth 225, 000 dollarë nga një ish-punonjës i shërbimeve të zbulimit të Shqipërisë.

Të fundit