Flash News

E-TJERA

"Ai ishte regjisori im i mirë", Roza Anagnosti kujton Fejzon; rrëfim mbi zanafillën e miqësisë së tyre 50-vjeçare dhe momentet e vështira në "Fije që priten"

"Ai ishte regjisori im i mirë", Roza Anagnosti kujton Fejzon;
Në foto: Aktorja e njohur, Roza Anagnosti

Dy ditë pas ndarjes nga jeta të regjisorit Muharrem Fejzo, aktorja e njohur, Roza Anagnosti, ka bërë një rrëfim të ndjerë në të cilin kujton zanafillën e miqësisë së tyre 50-vjeçare, por edhe momentet e vështira pas xhirimit të filmit “Fije që priten”.

Aktorja e njohur tregon se një bisedë pranë sheshit “Shopen”, një të hënë nëntori, ishte nisja e miqësisë së tyre.

“Ai ishte regjisori im i mirë. I paqtë në sheshxhirim. Duhet ta nderoj kujtimin e tij”, shprehet Anagnosti për regjisorin e filmave “Fije që priten” e “Mësonjëtorja”, ku ajo pati rolet e saj të para.

Më sytë drejt qiellit e mallin e pashuar, në një intervistë për Neës 24, Anagnosti flet për humbjen e një miku e një burri fisnik, që vishej me sqime e sillej si aristokrat, që buzëqeshte kur e trishtonin e luftonte si mbret, për Fejzon “regjisorin e saj të dashur”.

“E kam njohur Fejzon 50 vite më parë. Me pas punova në dy filma me të, me dhuroi dy role të mëdha. ‘Besa’ të ‘Fije që priten’ e ‘Dafina’ të ‘Mësonjëtorja’. Me rolin e dytë fitova çmim dhe ishte kurora që ai më dha mua. Nuk e vlerësuan sa duhet por ai ishte i vetëdijshëm për atë që ishte. Dhe ishte krenar. Ai nuk u mposht. Ishte e rëndë kur pasi mbaruam filmin ‘Fije që priten’ hoqën Bert Ndrenikën. Aktor i mrekullueshëm. Rrezikova dhe unë për shkaqe biografie, por nëse do më hiqnin dhe mua filmi do humbte gjithë xhirimet, të tilla ishin kohët. Tematika ishte e përcaktuar e detyrueshme. Ne bënim ato që mundnim”, thotë Roza Anagnosti për filmin që dikur ishte në lupën e censurës dhe sot në atë të përçimit të propagandës.

Biseda në sheshin ‘Shopen’ është një rikujtim për mikun e saj të hershëm që u shua në një spital në Itali, larg të gjithëve dhe i vetëm duke lënë pas kujtimin e një buzëqeshje që çarmatoste këdo.

Ditari politik

Të fundit