“Ai të bëjë aq sa bëri Izetbegović”, mesazhi i Metës ishte për Bashën apo Ramën? Analistët:Cili ra në grackën e pyetjes

Analistët Fatos Lubonja, Robert Rakipllari, Skënder Minxhozi dhe Arjan Vasjari kanë interpretuar se për cilin ishte mesazhi i presidentit Ilir Meta kur u pyet për deklaratën e disa ditëve më parë të kryetarit të PD-së, Lulzim Basha, i cili tha se Meta do të bëjë rolin e kryetarit të opozitës nëse ai bën rolin e Presidentit. 

Meta kërkoi që të bëjë aq sa bëri ish-Presidenti i Bosnje-Hercegovinës Alija Izetbegović kur e morën peng. Ai u shpreh se kreu i qeverisë duhet të thotë se është marrë peng.

“Atij zotërisë (Ramës) i them përpiqu të bësh aq sa bëri Izetbegović kur e morën peng. Thuaji popullit tënd që “jam peng” dhe vazhdo punën tënde. Sepse këtë popull e këtë komb nuk e merr askush peng në këtë qiell e mbi këtë tokë”, tha Meta me tone të ashpra.

Pas disa orësh, zëdhënësi i presidentit reagoi dhe sqaroi se mesazhi nuk ishte për Bashën. Por si e komentojnë analistët?

Rakipllari: Mesazh i koduar për të gjithë, nuk përjashtohet as Basha.

Lubonja: Ajo që kishte thënë Basha, kishte pak kunj. Pyetja e drejtuar ishte grackë ndaj Metës  se nuk e kishte dijeni çfarë kishte thënë Basha, më pas bëri zbutjen.

Rakipllari: Mendoj se ka qenë i ndërgjegjshëm, deklaratën e ka bërë të shtunë. Më shumë mendoj se është për Bashën se për Ramën. Nuk e mohojmë se ka tension LSI-PD që ka lindur që nga çadra.

Lubonja: Atëherë e tërheq. Pjesën e dytë lidhet me ndërkombëtarët, por nuk e lidh me Bashën. Nuk bëj dot lidhjen njerëzit që kanë marrë peng Bashën janë ndërkombëtarët.

Minxhozi: E ka për Bashën si i marrë peng nga Rama, pasi ka fjalë për marrëveshje të madhe PD-PS pas 25 prillit nën retorikën e integrimit.

Lubonja: Është lojë e Ramës për t’i përçarë

Sokol Balla: Presidenti nuk e ka për Ramën, shoh Bashën që ra viktimë e pyetjes.

Vasjari: Historia nuk na ndihmon për të kuptuar marrëdhëniet e tyre sot, ka interesa. Është një tipologjinë retorike nuk ka asnjë sofistikim brenda dhe është shumë e qartë në objekt dhe subjekt.

Nuk e shikoj si një adresim ndaj Bashës, ashtu si nuk identifikoj në prononcimin e Bashës si sulm indirekt ndaj presidentit. Qëllimet e palëve janë shumë herë më pranë tyre, të konvertuara mes tyre PD dhe LSI. Presidenti ka pasë objektiv ndërkombëtarëve, që fusin duart dhe kryeministrin.