Flash News

Sot i vranë babain dhe e plagosën rëndë, 2 vite më parë i bënë atentat, kush është Gjin Guri

Shqipëria me çmimet e karburanteve më të shtrenjta në rajon

Arrestohet te Komuna e Parisit ish-trajneri i futbollit, ishte dënuar me 1 vit burg

Kamerieri humbi jetën në vendin e punës, arrestohet pas një muaji pronari i “Orange” në Sarandë

Vrasja në Sukth, ky është 38-vjeçari që u ekzekutua me dy plumba

E-TJERA

VOA: Apeli refuzon sërish ndryshimin e masës së sigurisë për Belerin

Politiko 18 Shtator 2023, 19:02

VOA: Apeli refuzon sërish ndryshimin e masës së sigurisë

Në Shqipëri Gjykata e Posaçme e Apelit refuzoi sot një tjetër kërkesë të kryetarit të zgjedhur të Bashkisë së Himarës, Fredi Beleri, për ndryshimin e masës së sigurisë ndaj tij.

Vendimi i sotëm e lë sërish në paraburgimin zotin Beleri, i cili u arrestua dy ditë përpara zgjedhjeve vendore të 14 majit nën dyshimet e korrupsionit në zgjedhje.

Javën e shkuar Prokuroria e Posaçme, njoftoi përfundimin e hetimeve dhe dërgimin për gjykim të çështjes, e cila ka provokuar një përplasje të fortë mes Tiranës dhe Athinës. Kryeministri shqiptar ka deklaruar në mënyrë të përsëritur se nuk mund të pranojë ndërhyrje në sistemin e Drejtësisë.

Ndërsa autoritetet greke po përdorin mjete të ndryshme diplomatike dhe juridike për të ndikuar procesin, duke kërcënuar dhe me bllokimin e rrugëtimit të Shqipërisë drejt anëtarësimit në Bashkimin Europian.

Kryeministri shqiptar Edi Rama dhe homologu grek Kyriakos Mitsotakis në Tiranë gjatë takimit të BE Ballkani Perendimor në dhjetor të vitit 2022

Dje kryeministri grek Kyriakos Mitsotakis deklaroi se “marrëdhëniet dypalëshe me Shqipërinë janë lënë në hije nga rasti i burgosjes së Fredi Belerit”.

Ndërsa sot për të ndjekur seancën në Gjykatën e Posaçme të Apelit, përveç ambasadores greke në Tiranë, ishin dhe dy avokatë grekë dhe presidenti i Avokatëve Pa Kufi. Në një konferencë për shtyp ata deklaruan se në rastin e zotit Beleri ka shkelje të konventës europiane për të drejtat e njeriut dhe se mbajtja e tij në paraburgim është sipas tyre, “joproporcionale, edhe me shkeljen e pretenduar”./VOA

Të fundit