Flash News

Aksident në Përrenjas, një i plagosur

Tiranë/ Humb jetën në sallën e operacionit një i burgosur

Aksident në Lushnjë-Fier, kamioni përplas furgonin

Homazhe në nder të Afrim Bunjakut, ndizen qirinj te sheshi “Nënë Tereza”

Shembulli amerikan i 'McGonigalit' dhe heshtja shqiptare e SPAK

E-TJERA

Armatosen punonjësit e Bankës së Shqipërisë, blejnë 24 pistoleta!

Politiko 19 Shtator 2023, 15:53

Armatosen punonjësit e Bankës së Shqipërisë,

Punonjësit e Bankës së Shqipërisë janë armatosur. Guvernatori Gent Sejko ka hapur një tender për të blerë pistoleta paralizuese, për një vlerë prej 56 milionë lekë të vjetra. Sipas dokumenteve që disponon BoldNews.al, Banka e Shqipërisë ka hapur tenderin e hapur kombëtar.

“Banka e Shqipërisë kërkon të realizojë objektin e prokurimit ‘blerje 24 copë pajisje pistoleta muskulparalizuese (electric shock) për nevojat e Bankës së Shqipërisë’” thuhet në njoftimin që Banka ka bërë në Agjencinë e Prokurimit Publik.

Por, ndryshe nga institucionet e tjera shtetërore që publikojnë edhe dokumente shtesë, Banka nuk ka dhënë asnjë informacion se kush do t’i përdorë këto pistoleta.

Duke qenë një institucion i rëndësisë së veçantë, Banka e Shqipërisë ka disa sisteme mbrojtjeje. Madje, punonjësit apo edhe vizitorët, kontrollohen disa herë para se të shkojnë në destinacion.

Megjithatë, njoftimi i blerjes së pistoletave është shumë i thatë, vetëm me objektin dhe asnjë specifikim tjetër. Jepen të dhëna sa është pagesa e dokumenteve dhe nuk jepet asnjë informacion se kush do t’i përdorë.

Armatosen punonjësit e Bankës së Shqipërisë,

Madje, a kanë lejë përdorimi të këtyre armëve këta punonjës? Banka ka disa roje, që nga Policia e Shtetit apo edhe trupë tjerër sigurie, që vepron prej vitesh. Pistoletat do t’i marrë ky grup, apo do t’i mbajnë drejtuesit?

Por, nuk përjashtohet që edhe titullarët të mbajnë ndonjë armë të tillë, duke qenë se “dinë sekrete bankare”.

Apo mund të jenë të kërcënuar! Gjithsesi, ajo çka kërkohet në këtë rast është një transparencë më e madhe e Bankës së Shqipërisë, jo të na tregojë sekretet bankare, ruajtjen e thesarit, të dokumenteve, por të na tregojë se kush do t’i përdorë këto armë. Dhe, nëse ka ndonjë indicje kriminale, përse nuk e bën publike?! Boldnews.al