Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

BE ‘goditje’ Ramës: Projekti për Portin e Durrësit ka modifikime, do ta monitorojmë

Politiko 24 Nëntor 2022, 12:04

BE ‘goditje’ Ramës: Projekti për Portin e Durrësit ka

Bashkimi Evropian ka anuluar grantin prej 28 milionë eurosh për projektin e Portit të Durrësit, marëveshje e realizuar mes qeverisë shqiptare dhe kompanisë arabe të Mohamed Alabbar.

Në një reagim për Radio Evropa e Lirë, zyra e Bashkimit Evropian në Tiranë pohon se shkak për anulimin e grantit, janë bërë modifikimet në projekt.

“Si rezultat i modifikimit të projektit dhe ndryshimit të përdorimit të portit aktual, BE-ja ka anuluar grantin e mbetur të ËBIF (Fondi i Investimeve për Ballkanin Perëndimor) për investimin për projektin e mëparshëm të portit. Ne jemi duke u konsultuar me përfaqësuesit e Qeverisë edhe për prioritetet e investimeve”, thuhet në përgjigjen e tyre.

Në përgjigjen e zyrës së BE-së në Tiranë thuhet se “sa i përket marrëveshjes tregtare ndërmjet Shqipërisë dhe Emirateve të Bashkuara Arabe, BE-ja do të vazhdojë të monitorojë rëndësinë për MSA-në dhe pajtueshmërinë me të, në dialog me institucionet shqiptare”.

“Ky projekt investimi do të rehabilitojë kalatat 1 dhe 2 në Terminalin Perëndimor të Portit të Durrësit – një nga katër terminalet ekzistuese të portit më të madh detar në Shqipëri. Produktet kryesore që trajton Porti i Durrësit janë mallrat e përgjithshme, drithërat, kontejnerët, tragetet dhe mineralet. Porti aktualisht trajton rreth 90% të shkëmbimit detar të vendit në tonazh dhe 53% të të gjithë tregtisë ndërkombëtare (sipas vlerës).

Terminali Perëndimor trajton të gjitha ngarkesat e përgjithshme dhe drithërat e Durrësit. Terminali ka gjithsej pesë kalata dhe ka një sipërfaqe prej 92,680 m2. Kalatat 1 dhe 2 janë në gjendje të keqe të parregullt. E para u ndërtua në vitin 1972 dhe e dyta midis viteve 1945 dhe 1951. Disa rehabilitime u kryen në vitin 1994. Megjithatë, elementët strukturorë nën ujë tregojnë shenja korrozioni të konsiderueshëm, gjë që pengon funksionimin e sigurt të kapaciteteve të mëdha të ngarkesave. Për më tepër, thellësia e terminalit pranë kalatave varion midis 7 dhe 8.2 m, kështu që anije mallrash më të mëdha nuk mund të akomodohen në port”, thuhet në përshkrimin e projektit.

Të fundit