Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Bisedimet me FMN, Sejko: Inflacioni do të mbetet i lartë në muajt në vijim, kërcënim për ekonominë

Politiko 10 Tetor 2022, 10:46

Bisedimet me FMN, Sejko: Inflacioni do të mbetet i lartë në muajt

Banka e Shqipërisë, Ministria e Financave dhe misioni i Fondit Monetar Ndërkombëtar në Shqipëri kanë mbajtur një konferencë për të bërë analizën e situatës ekonomike në vend.

Guvernatori i BSH Genti Sejko u shpreh se në fokus të diskutimeve dhe analizës kanë qenë sfidat me të cilët po përballet ekonomia dhe reformat që duhet të ndërmerren për të mundësuar një zhvillim më të shpejtë.

Sejko u fokusua tek inflacioni i cili shënoi një rritje prej 8% vetëm për muajin gusht. Guvernatori i BSH theksoi se inflacioni përbën një kërcënim serioz për stabilititetin makroekonomik duke ndikuar fuqinë blerëse të familjeve dhe duke sjellë një pasiguri në të ardhmen e ekonomisë.

“Këto diskutime kanë pasur në fokus të tyre si sfidat aktuale me të cilat përballet ekonomia shqiptare, ashtu edhe reformat strukturore të cilat do të mundësonin një zhvillim më të shpejtë dhe më të qëndrueshëm të vendit në planin afatgjatë.

Rritja e shpejtë e çmimeve në tregjet botërore, pas sulmit të paprovokuar ushtarak të Rusisë ndaj Ukrainës, i ka përballur ekonomitë dhe shoqëritë e të gjithë vendeve të globit, përfshirë dhe Shqipërinë, me sfida serioze ekonomike e sociale.

Inflacioni në vend shënoi vlerën 8% në muajin gusht, duke shfaqur një rritje të shpejtë dhe duke pasur një bazë të gjerë. Sikundër e kemi theksuar dhe më parë, në gjykimin tonë, inflacioni i lartë përbën kërcënimin kryesor mbi stabilitetin makroekonomik dhe mbi rritjen e qëndrueshme dhe afatgjatë të vendit. Ky inflacion gërryen fuqinë blerëse të familjeve, rrit pasigurinë për të ardhmen në çdo qelizë të ekonomisë, nxit volatilitetin në tregjet financiare dhe dëmton perspektivat afatgjata të zhvillimit. Për këtë arsye, fokusi prioritar i politikave ekonomike duhet të jetë marrja e masave të koordinuara për zbutjen e kostove të inflacionit dhe kontrollin e kthimin e tij në objektiv, në një periudhë sa më të shpejtë dhe me kosto sa më të ulëta”, u shpreh Sejko.

Sejko tha se projeksionet mbi ekonominë parashikojnë që inflacioni të mbetet i lartë edhe për dy tremujorët në vijim. Pavarësisht nivelit të inflacioni që mbetet në nivele të larta, Sejko tha se ekonomia shqiptare do të rritet.

“Projeksionet tona për të ardhmen sugjerojnë se inflacioni do të vijojë të mbetet në nivele të larta edhe gjatë dy tremujorëve në vijim. Më tej, stabilizimi i çmimeve në tregjet e huaja dhe normalizimi i qëndrimit të politikës monetare do të induktojnë një reduktim progresiv të inflacionit, deri në kthimin e tij në objektiv në gjysmën e parë të vitit 2024.

Paralelisht me të, projeksionet tona sugjerojnë se ekonomia shqiptare do të vijojë të rritet përgjatë horizontit afatmesëm. Ndonëse aktiviteti ekonomik do të vuajë pasojat negative të inflacionit, rritja ekonomike e vendit pritet të mbetet në territor pozitiv.

Rritja ekonomike do të vijojë të përfitojë nga stabiliteti i përgjithshëm ekonomik dhe financiar i vendit, nga bilancet e shëndosha të bizneseve dhe familjeve, si dhe nga vijimi i mbështetjes me kredi e instrumente pagese nga sektori bankar”, shtoi Sejko.