Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

E-TJERA

Cilat janë dy kartëmonedhat që përdorin më shumë shqiptarët?

Politiko 18 Dhjetor 2023, 09:10

Cilat janë dy kartëmonedhat që përdorin më shumë

Që nga viti 2019, Banka e Shqipërisë nisi të hedh në treg serinë e re të kartëmonedhave. Ky cikël përfundoi në vitin 2022.

Por a e dini se cila nga këto prerje është më e përdorshme nga qytetarët? Alba Gjoka përgjegjëse e departamentit të emisionit në Bankën e Shqipërisë, evidentoi dy kartëmonedhat më të përdorshme në ekonomi.

“Kartëmonedha më e kërkuar është 5 mijë lekëshi. Por realisht ajo që qarkullon më shumë është 2000 lekëshi. Prerjen 5 mijë lekë e kërkojnë më shumë në treg, ndaj dhe ajo nuk kthehet në të njëjtën sasi që del nga banka e Shqipërisë, pasi është një prerje që ka tendencë për tu ruajtur disi. Ndërsa përdorimin më masiv në transaksione ditore e mban 2 mijë lekëshi”- tha Alba Gjoka.

Ndërkohë vitin e kaluar u hodh në treg prerja më e madhe e kartëmonedhave, 10 mijë lekëshi. Por kjo kartëmonedhë duket se nuk të bie në dorë lehtësisht. Edhe kur tërheqim lekë nga bankomati, në më të shumtën e rasteve prerja më e madhe dhe me shpeshtë që del është 5 mijë lekëshi. Por pse këtë kartëmonedhë e “shohim” kaq pak ?

“Është prerja më e madhe që ne kemi. Si e tillë qytetarët e përdorin si mënyrë thesarizimi. Pra përdoret më shumë për kursim. Por jo vetëm është dhe pak e vështirë që ta kesh për përdorim ditor, pasi me 10 mijë lekë, nuk mund të shkosh tek marketi i lagjes. Përveç të tjerash kjo prerje është edhe më e pakët në treg në raport me kartëmonedhat e tjera“- sqaroi Gjoka në Vizion Plus.

Aktualisht, sipas bankës së Shqipërisë, një prerje më e madhe se 10 mijë lekë nuk është e nevojshme për ekonominë. Cikli i radhës për seri të reja kartëmonedhash mund të jetë pas 10-15 vitesh.

Të fundit