Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Covid-19 anuloi Panairin e Librit, reagon Shoqatës së Botuesve: Do ta zhvillojmë online

Politiko 15 Tetor 2020, 16:56

Covid-19 anuloi Panairin e Librit, reagon Shoqatës së Botuesve: Do ta

Për herë të parë, Panairi i Librit do të zhvillohet online këtë vit.

Edicioni i 23-të nuk do të mbahet si zakonisht për shkak të pandemisë covid-19.

Shoqata Botuesve Shqiptarë sqaron se në datat e planifikuara, 12-15 nëntor, ky aktivitet do të karakterizohet nga një bashkëpunim i gjerë i botuesve shqiptarë në live stream, ose në mjedise fizike, duke respektuar të gjitha kushtet e sigurisë.

“Sot u zhvillua mbledhja e zgjeruar e kryesisë së Shoqatës së Botuesve Shqiptarë, me temë: Organizimi online i Panairit të 23 të Librit të Tiranës, në kushtet e pandemisë Covid-19.
Të bindur që Panairi i Librit është një ngjarje madhore, e cila nuk duhet t'i mungojë qytetit të Tiranës, por edhe lexuesve nga gjithë vendi, të gjithë të pranishmit ishin të një mendjeje për organizmin, në ditët e caktuara që më parë, të një Panairi Libri, kësaj here në një edicion special, kryesisht online, për shkak të pandemisë.
Ky Panair do të karakterizohet nga një bashkëpunim i gjerë i botuesve shqiptarë.
Gjatë ditëve të tij, botues, shkrimtarë, poetë, përkthyes, lexues dhe njerëz të kulturës do të takohen për diskutime librash, prezantime titujsh të rinj, por edhe tryeza debatesh, në live stream, ose në mjedise fizike, duke respektuar të gjitha kushtet e sigurisë.

Që sot ka filluar puna për organizimin e Panairit të Librit Online.
Qendra e këtyre veprimtarive do të jetë qyteti i Tiranës që këtë vit ka 100-vjetorin e tij.”, sqaron Shoqata e Botuesve Shqiptarë.  

 

Të fundit