Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Defender Europe 2023”, Yuri Kim: Do vazhdojmë të bëjmë histori, jemi krenar që e quajmë Shqipërinë aleat

Politiko 22 Maj 2023, 10:38

“Defender Europe 2023”, Yuri Kim: Do vazhdojmë të

Ambasadorja e SHBA-ve, Yuri Kim ishte e pranishme në ceremoninë hapëse të stërvitjes më të madhe ushtarake në Evropë, “Defender Europe 23”. Në fjalën e saj, ajo dha një mesazh të fortë sa i takon aleancës mes dy vendeve.

Kim u shpreh se amerikanët dhe shqiptarët ecin krah për krah sot, duke qenë aleatë të NATO-s.

“Ky është një moment i jashtëzakonshëm, jemi me fat që jemi këtu. Jemi mbledhur në një shesh të përdorur për dhjetëvjeçar nga një diktator i përkushtuar për ta izoluar Shqipërinë nga bota. Shqiptarëve iu thanë se SHBA-të ishin armiqtë e tyre, u detyruan të ndërtonin bunkerë.

Shikoni përreth jush sot, një Shqipëri e ndryshuar dhe kjo është historike. Ja ku jemi në Sheshin Nënë Tereza, në një Shqipëri demokratike duke nisur një stërvitje ushtarake ndërkombëtare “Defender Europe 2023”.

Jemi këtu si aleatë, miq dhe partnerë. Amerikanë dhe shqiptarë që qëndrojnë krah për krah, sikurse e thoni ju. Dikur të ndarë veçmas tani aleatë të NATO-s dhe partnerët më të afërt ushtrarakë.  

Që nga Defender 2021 Shqipëria dhe SHBA-të po bëjnë më shumë se kurrë së bashku. Kemi ndërmarrë hapa të mëdhenj si aleatë. Do të vazhdojmë të bëjmë histori, jemi krenar që e quajmë Shqipëri vend aleat.", u shpreh Kim.

 

Të fundit