“Do të të vëmë bombën kudo që të jesh”, kërcënohet me jetë drejtori i Burgjeve

Është kërcënuar me jetë drejtori i Burgjeve, Agim Ismaili.

Në mesazhin dërguar në numrin e tij të celularit, siguruar nga Ora News shkruhet, “…e ke tepruar shumë. Kudo që të jesh, ne sërisht do të vemë bombëm. Mbaje mend këtë që po të themi”.

Kjo media mëson se prokuroria e Tiranës dhe policia e Shtetit, kanë nisur veprimet hetimore për mesazhin dërguar drejtorit të burgjeve ditë më parë.

Dyshimet e para janë se Agim Ismaili, mund të jetë kërcënuar nga anëtarë të një grupi kriminal që vepron në Tiranë dhe jo vetëm. Këto dyshime vijnë për shkak se disa prej anëtarëve të këtij grupi kriminal ndodhen në burg dhe kohët e fundit janë futur në rregjimin e posaçëm të izolimit “41 Bis”.

Agim Ismaili, në cilësinë e Drejtorit të Përgjithshëm të Burgjeve është pjesë e komisionit të lartë që vendos marrjen e masave ekstreme për të dënuarit që thyejnë rregulloren

Prokuroria ka bërë identifikimin e numrit të telefonit që i përket një personi të pa dyshuar deri në këto momente. Hetimi tashmë po përqëndrohet në lokalizimin e zonës nga është dërguar dhe sigurisht zbulimin e numrit të IMEIT të telefonit, që autori ka përdorur për kërcënimin e Agim Ismailit.

Ky kërcënim ka sjellë rritjen e masave të sigurisë për Drejtorin e Përgjithshëm të Burgjeve.

Kujtojmë që ku është rasti i dytë që Ismaili kërcënohet me jetë gjatë ushtrimit të detyrës, pasi në 4 dhjetor 2019 prokuroria e Tiranës regjistroi një dosje penale për kanosje.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm