Flash News

50-vjeçari në Tiranë ndërron jetë duke çuar fëmijën në çerdhe

Vrasja e Liridonës, reagon ashpër Behgjet Pacolli

PD çon në Gjykatën Kushtetuese marrëveshjen Rama-Meloni për refugjatët

Aksident në Berat, përmbyset “Ford-i” në mes të rrugës

Serbët e veriut të Kosovës nisin peticione për të shkarkuar kryetarët shqiptarë të 4 komunave

E-TJERA

Dosjet "e nxehta" të SPAK, Dumani premton surpriza për Arben Ahmetajn

Politiko 28 Shtator 2023, 15:12

Dosjet "e nxehta" të SPAK, Dumani premton surpriza për Arben

Kreu i SPAK, Altin Dumani në një takim joformal me gazetarët ka folur për çështjet “e nxehta” të cilat janë nën hetim nga Prokuroria e Posaçme.

Lidhur me dosjen e sterilizimit, Dumani tha se nuk përjashtohet mundësia që të ketë persona të tjerë nën hetim, ndërsa hetimi pasuror sipas tij është praktikë që ndiqet nga SPAK.

Dumani premtoi “surpriza” edhe për hetimet ndaj ish-zv.kryeministrit Arben Ahmetaj.

Për operacionin “Metamorfoza”, Dumani tha se ka ende shumë punë që janë për t’u bërë nën hetim, teksa iu referua edhe zyrtarëve apo drejtuesve që mund të jenë përfshirë.

Sterilizimi

Nuk përjashtohet mundësia në çdo kohë të ketë persona të tjerë nën hetim. S’kam koment për vendimin e gjyqtarit. Vijon të jetë nën hetim nga dy prokurorët e çështjes (Edvin Kondili e Eneid Nakuçi). Kam ushtruar kompetencat e mua si drejtues i prokurorisë sa më takon ligji. Sa i takon hetimit pasuror, është praktikë në SPAK që kryhet si për veprën penale të korrupsionit edhe për krimin e organizuar, është hetim paralel.

Ahmetaj

Dimë kur dhe ku ka dalë nga Shqipëria, çfarë dokumenti ka paraqitur dhe arsye. Së shpejti do kemi zhvillime surprizuese. Gjiknuri është verifikuar në kuadër të hetimeve për Ahmetajn, kjo nuk do të thotë se ka hetim për secilin që del në atë procedim penal.

Metamorfoza

Deri kur u regjistrua ky procedim, flitej se zyrtarë e drejtues kryenin korrupsion apo ishin të përfshirë në krim, por s’kishte veprime konkrete. Sot është fakt që janë të arrestuar. Kemi shumë punë për të bërë lidhur me këtë çështje.

Të fundit