Ekipet mësojnë rivalët, caktohen çiftet për çerekfinalen dhe gjysmëfinalen e Ligës së Europës

Janë mësuar dhe çiftet çerekfinaliste të Ligës së Europës pas shortit të hedhur nga UEFA në Nion të Zvicrës. Sfida më interesante në letër duket Ajaks-Roma. Emocione dhe spektakël premtojnë dhe duelet e tjera; Granada-Manchester United, Arsenal-Slavia Praga dhe Dinamo Zagreb-Vijareal.

Ndërsa në gjysmëfinale do të kemi fituesin e çiftit Granada-Manchester United përballë fituesit të çiftit Ajaks-Roma dhe gjysmëfinalja tjetër do të jetë fituesi i çiftit Dinamo Zagreb-Vijareal përballë fituesit të çiftit Arsenal-Slavia Praga.

Çerekfinalet e vajtjes do luhen në 8 prill, të kthimit më 15 prill. Gjysmëfinalet më 29 prill dhe 6 maj, ndërsa finalja më 26 maj, në “Gdansk Arena” të Polonisë.

Çiftet çerekfinaliste:

Granada- Mançester Junajtid (A1)

Arsena-Slavia Pragë (A2)

Ajaks-Roma (B1)

Dinamo Zagreb-Vijareal (B2)

Çiftet gjysmëfinaliste:

(A1)-(B1)

(B2)-(A2)