Çështja e detit në Hagë, diplomati Nesho: Kemi një marrëveshje të sforcuar, sfida e hapur e Dendias që pamë ndaj Ramës

Diplomati Agim Nesho e ka cilësuar të sforcuar marrëveshjen e arritur mes Shqipërisë dhe Greqisë mbi delimitimin e hapësirës detare.

Duke folur në ‘news 24’, diplomati thotë se politika e jashtme shqiptare dështoi në këto tetë vite qeverisje dhe vendimi i sotëm ishte një tërheqje e kryeministrit Rama.

“Vizita e ministrit është e mirëpritur. Greqia është një vend mik duke patur parasysh se politika jonë e jashtme është e kondicionuar me dy fqinjët, Italia dhe Greqia.

Kjo është vizitë e mirëpritur, ndoshta e vonuar. Pati nota të dakordësisë mes dy palëve, ndonëse në deklaratat e dy ministrave të jashtëm, pati edhe vlerësime në këndvështrime të ndryshme. Veçse pozitivitetit që kishte kjo vizitë, duket një dështim i politikës shqiptare që nuk prodhoi asgjë konkrete për 8 vjet, mu duk si retorike ‘mea kulpa’ e kryeministrit.

Kemi një marrëveshje të sforcuar. Rama çështjen e detit e quan t’i kalojë gjykatës ndërkombëtare. Pasi e ka politizuar çështje për arsye elektorale bën tërheqje, duke thënë për të mos iu dhënë kënaqësinë patriotizmave.

Ajo që i takon Shqipërisë i takon vendit. E shoh një kryeministër që ka qenë patriot në 2009, kur çoi partia e tij çështjen në Gjykatën Kushtetuese, sot një kritik ndaj patriotëve.

Gjykata ndërkombëtare jo gjithmonë është në favor të një pale ose tjetër. Mundësia për të negociuar është mundësi bazë. Pse duhet të shkojë atje kur nuk dihet se cfarë është diskutuar mes palëve? Pse nuk kanë guxim të thonë se dështuam se çfarë i takon Shqipërinë?

Duhet të ketë konsens mes  palëve, do ti çojmë pyetjet. Nëse supozohet a ka të drejtë Greqia të ketë 12 milje në detit Jon?

Në pamundësi të një politike të jashtme konsekuence. Shteti grek ngriti një problem që Dendias ka folur me Ramën për pranimin e 12 miljeve nga ana e Shqipërisë. Ky patriotizëm është në thelb që duhet përkrahur, jo shmangie e përgjegjësive para zgjedhjeve”, thotë Nesho.

Ai shtoi se në takimin e sotëm, ministri i Jashtëm grek i bëri një sfide të hapur kryeministrit Rama duke e quajtur quajtur mik personal të Erdogan, presidentit turk, me të cilin Greqia prej muajsh vazhdon të ketë marrëdhënie të tensionuara.  

“Pamë një sfidë e hapur që ministri grek i bëri Ramës duke e quajtur mik personal të Erdogan. Duke  nënkuptuar se reagimi i Ramës në Greqi ishte personal, ashtu edhe për Shqipërinë që duhet të shohim qeveri që mbron të drejtat e shqiptarëve deri në fund. Secili të luftojë për interesat e tij.

Çështja e ligjit të luftës, turp për Greqinë se Shqipëria është anëtare e NATO për arsye të caktuara politike. E ruan për këta zyrtare që intimidohen.   

Takimi i fundit pranoi gabimin e 8 vjet në politikën e jashtme, kjo është alfa që vetë njerëzit  e zhgënjyer si protesta e sotme të reflektonte në mënyrë asimetrike, pasi revolta ishte ndaj qeverisë që nuk mbrojti interesat e vendit”, tha Nesho .