Flash News

‘Lajthitja apostolike’ e ipeshkvit Arjan Dodaj pak pas Rezolutës anti-komuniste të Kishës. Një kartolinë për 29 nëntorin, pakujdesi apo përulje para pushtetit?

Zjarr në shtëpinë e të moshuarve në Fier

I riu godet me grusht një 63-vjeçar, më pas zihet me policët

Drejtuesja e Gjykatës Speciale pritet me protesta në Prishtinë

Makina u gjet e përmbysur pa shofer, zbardhet aksidenti në Sarandë-Kardhiq, shoferi punonjës i FRONTEX

E-TJERA

FOTO/ Ky është Martin Bardhi, i ekzekutuar në Rrëshen

Politiko 26 Shtator 2023, 16:18

FOTO/ Ky është Martin Bardhi, i ekzekutuar në Rrëshen

Personi që shikoni në foto është Martin Bardhi i cili u ekzekutua paraditen e sotme me breshëri plumbash.

Bardhi ndodhej në lokalin e tij në qendër të Rrëshenit, në prani edhe të disa miqve dhe të afërmve, kur dy persona të maskuar, kanë zbritur nga një automjet tip Jeep dhe janë afruar në drejtim të objektivit, ndaj të cilit kanë lëshuar breshëri të shtënash.

FOTO/ Ky është Martin Bardhi, i ekzekutuar në Rrëshen

Plumbat i shkaktuan vdekjen e menjëhershme Bardhit, ndërsa 3 personat e tjerë mbetën të plagosur. Ata u dërguan në spitalin e Traumës në Tiranë, për ndihmë të specializuar mjekësore.

Mjeti i llojit “Jeep Cherokee” ngjyrë e zezë, për të cilin po kryen verifikime se kujt i përket dhe nëse është denoncuar e vjedhur, është djegur plotësisht.

Martin Bardhi ose Marku, është person i njohur për autoritetet, teksa në muajin mars të këtij viti bashkë me djalin dhe nipin e tij u përfshinë në një konflikt me armë zjarri në dalje të qytetit të Rrëshenit.

59-vjeçari u arrestua dhe sipas informacioneve kishte fituar lirinë në rrethana ende të paqarta disa kohë më parë, teksa në kërkim ishte djali dhe nipi i tij.

Drejtori i Policisë së Lezhës, Alfred Elezi, tha për mediat se hetimet janë në fazën e parë dhe po sqarohen konfliktet që fisi Bardhi ka pasur me fise të tjerë.

“Jemi akoma në fazën e parë. Dihen konfliktet që ka pasur fisi Bardhi me fise të tjera dhe po punojmë për zbardhjen dhe identifikimin e autorëve”, tha ai.

Policia tha se kishte nxjerrë në terren forcat speciale RENEA dhe FNSH, duke vendosur postblloqe në Rrugën e Kombit, në drejtim të Kukësit, të Laçit, Lezhës dhe Dibrës.

 Gjithashtu Policia njoftoi se po ushtrohej kontroll edhe nga ajri, përmes helikopterëve dhe dronëve, ndërsa disa ora pas krimit ende nuk ka të ndaluar ose identifikim të autorëve.

Të fundit