Gafa e Alma K që mund të zbulojë një skandal më të madh se një akt s*ksual

Nga Denis Dyrnjaja

Alma Kaçi gruaja që pretendon se ka kryer një mision denoncues përmes një akti seksual oral me ish kryetarin e Bashkisë së Kukësit duhet të marrë çmimin e sakrificës sublime për të nxjerrë në pah abuzivitetin e një zyrtari të lartë te nivelit lokal si një kryebashkiak, nëse do t'i besonim versionit të saj se kishte qëllim të nxirrte ne pah skandalet seksuale në zyrat e shtetit.

Alma Kaçi ka folur së fundi në emisionin Review në Euronews dhe thotë se shkoi në zyrën e Gjicit për ta demaskuar kryebashkiakun, i cili sipas saj e kishte shndërruar zyrën e tij në harem për epshe seksuale. Dhe për të provuar këtë ajo e ka çuar në ekstrem rolin e saj, duke u infiltruar si një person i interesuar për të përfituar një tender dhe për të arritur sipas saj jo tenderin, por denoncimin e kryebashkiakut maniak, ajo kreu e regjistroi me video edhe një akt oral seksual.

Në botën mediatike ka shumë lloje "kurthesh" dhe improvizimesh për të arritur qëllimin investigues, por asnjëherë qëllimi nuk kërkohet të arrihet duke vënë në pozitë shfrytëzimi, vetshfrytëzimi apo rreziku për shëndetin dhe jetën të personit protagonist që realizon investigimin, qoftë ky edhe vullneti i lirë i tij.

Rasti i Alma Kaçit e tejkalon këtë version dhe standard. Duket se ajo është vetofruar për të kryer këtë mision, duke përfshirë edhe aktin e seksit oral te cilin ajo thotë se nuk e kishte parashikuar se do të ndodhte. Pra ishte jashtë dëshirës dhe skenarit të saj. E ndërsa bën këtë pohim atëherë ajo duhet të akuzojë Safet Gjicin për përdhunim. Por vetë Alma nuk e mbështet këtë version dhe pranon se ka shkuar në zyrën e tij me qëllimin për të kryer me ndërgjegje kurthin seksual me regjistrim, mesa duket e bindur se këtë material kompromentues do ta dorëzonte ose në TV ose në një subjekt politik të interesuar i cili do ta paguante atë si ofruese shërbimi.

Pra ajo që po i bien rreth e qark gazetarët dhe prokurorët që pyesin Almën dhe ku në fakt duhet hetuar është çështja kryesore: a u fut ajo në këtë aksion në mënyrë vullnetare por me garanci verbale se shërbimi i saj seksual do të shpërblehej, financiarisht?

Rrethanat dhe të gjitha arsyet tregojnë se ajo është përfshirë në këtë skenar për të kryer me vetëdije një akt seksual me kryebashkiakun Gjici për ta shantazhuar atë ose për qëllime politike ose financiare (gjobëvenieje), ku Alma natyrisht si protagoniste do të duhej të merrte një përfitim të majm.

Me materialin e siguruar ajo ka nisur traktativat për të maksimalizuar fitimin nëse do ta shiste te një subjekt politik apo te një subjekt mediatik videon e aktit seksual me Gjicin. Në të dy rastet dyshimi për ta shantazhuar kryebashkiakun është më i fortë se versioni moralist i Almës se po vetsakrefikohej seksualisht për të zbardhur skandalet seksuale te Gjicit, pra për t'i treguar publikut se ja çfarë zyrtarësh kemi.

Kjo është pak por e sigurt. Në këtë aferë të pistë Gjici është më naivi se ka rënë pre e epsheve të tij seksuale për llogari të një skenari manipulativ. Prokuroria nëse do e ka të lehtë ta zbardhë këtë grackë, se e gjithë dëshmia e protagonistes së sakrifikuar si vullnetare e të vërtetës shpreh interesin e saj për të nxjerrë përfitime nga ky kurth, që është organizuar nga vetë ajo, por e mbështetur në paradhënie me kushtin që në çdo rast përgjegjësinë e daljes së skandalit do ta mbante ajo vetë.

Në PD të djegur nga pseudo skandali Babale ku inskenimit me regjistrim fals të inskenuar i doli boja, kanë refuzuar ta marrin si rast pasi kanë menduar se mund t'iu kthehet në bumerang e nga përfitim, në kosto të panevojshme. Kjo pohohet nga biseda e Alma Kaçir dhe ish kreut të Qarkut Kukës Abedin Oruçi i cili rezulton në zbardhjen e bisedave të prokurorisë t'i ketë përmendur një bisedë të saj me Salën (duke nënkuptuar Sali Berishën) që Alma e mohon të ketë ndodhur. Pra implikimi i PD për te përdorur këtë material bëhet shumë i zbehtë e thuajse se përjashtohet plotësisht.

Ndërkohë Alma e etur për të përfituar ka qenë e gatshme ta shesë sa më shumë dhe shpejt shërbimin e saj. Dhe këtë e shpjegon fakti që ajo nuk kishte asnjë kompleks t'ia jepte videon ku shfaqej shqeto duke kryer sex oral me Gjicin edhe një personi që thotë se ishte i njohuri për të, por jo mik i saj si z Abedin Oruçi. Sebepi thekson ajo, ta shihja nëse e kisha realizuar apo jo regjsirrimin. Por Oruçi nuk ishte montazhier që të shihte nëse ishte bërë apo jo regjsirrimi? Së dyti materiale kaq konfidenciale dhe delikate kërkojnë diskrecion maksimal dhe koha priste të kryente verifikimin vetë në çdo kompjuter apo Lap Top personal në Tiranë.

Pra argumentet e znj Alma Kaçi janë shumë jo bindës dhe kontradiktorë për të mbështetur qëllimi e saj madhor publik. Thënë kjo merr peshë interesi i saj i përfitimit financiar dhe i një pale të interesuar pas saj. Madje kjo provohet edhe nga pohimi se do paguhej për këtë shërbim, pra ishte e bindur se do merrte para, por sa e nga kush ishte akoma e papërcaktuar. Mbetej për të parë cili do paguante ke shumë e më shpejt për videon me këtë material të shtrenjtë. Por ndërsa ndiqte këtë skenar të sajin situata rrodhi paparashikueshëm dhe ajo se kishte më lojën në dorën e saj. Tashmë nga lojtare kryesore ishte shndërruar në viktimë.

Ajo preu në besë palën që e mbështeti në këtë proces për të futur në kurth Gjicin, ndërsa pala tjetër që kishte tashmë materialin në mungesë të një marrëveshjeje ndoshta ye negociuar por të dështuar me Gjicin vendos ta shpërndajë nëpër portale.

Tanimë blerësit potencialë të shërbimit në politikë ose mediatikë ishin tërhequr dhe distancuar duke braktisur misionin "mirdashës e mirbërës" te Almës. Ndaj ajo kaloi në alternativën për t'ia dërguar videon ndonjë ambasade me qëllim që të paktën të merrte një status mbrojtjeje atje ku do ta dorëzonte materialin filmik. Për shkak se nuk e dispononte pasi kartën e videos e kishte Oruçi edhe opsioni i ambasadës ra.

Alma i kthehet versionit të parë për të kërkuar ndihmë në media por ishte vonë, ajo tani ishte një kartë e djegur e për të mos dekonspiruar ose hapur probleme perfoljeje në publik, por edhe kosto në hetim, ajo mer disa instruksione sesi të vepronte. Gjithsesi e gjitha tanimë ishte e kotë se video po bënte xhiron e rrjeteve sociale dhe duke parë se nuk kishte më asnjë mundësi ta ndalte, Alma e shndërroi skenarin në një mision vetsakrefikimi për t'i shërbyer sipas saj publikut që të mësonte se çfarë ndodh në zyrat e shtetit.

Praktikisht Alma sot është viktimë e tahmasë se saj personale, por edhe të një skenari tjetër që nëse SPAK do të hetojë e ka të lehtë që gjithçka ta zbardhë e zbulojë. Mjafton t'i ofrojë Almës statusin e bashkëpunëtores së drejtësisë dhe ajo do tregojë të vërtetën dhe skenarin real por të nënkuptuar se si e cili ishte qëllimi i vërtetë dhe faktik i saj ne këtë histori ku mesa kuptohet u përdor e vetpërdor si kavje eksperimentale seksuale, për interesa krejt spekulative dhe jo në shërbim të publikut sikurse tentohet të heroizohet e mbrohet!