Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Gazetari: Grupet kriminale e kanë të lehtë të rekrutojnë "ushtarë" në Shqipëri, i përdorin si mish për top

Politiko 21 Qershor 2021, 12:57

Gazetari: Grupet kriminale e kanë të lehtë të

Gazetari investigativ Artan Hoxha ka komentuar rastin e shkatërrimit të rrjetit të trafikut të drogës nga Gjermania në Zvicër, ku dyshohet se drejtuesi është Ndriçim Harka, që punon zjarrfikës. Harka rekrutonte njerëz në këtë rrjet të trafikut të drogës.

Gazetari u shpreh për "Abc news" se është shume e lehtë të rekurutosh të rinj shqiptarë, që më pas punojnë si shpërndarës droge në vendet e BE-së. Ai tha se papunësia dhe mungesa e shpresës në Shqipëri i detyrojnë të rinjtë të nisen drekt kësaj rruge, që shpesh rezulton fatale për ta.

Hoxha i cilësoi të rinjtë shqiptarë si lëndën e parë për krimin e organizuar. Ai thotë se si fillim të rinjtë shpërndajnë lëndë narkotike të lehta dhe më pas shkojnë te kokaina që iu siguron më shumë të ardhura.

“Është thjeshtë rasti i radhës që dëshmohet rekrutimi i të rinjve që përdoren si shpërndarës. E kam ngritur sa herë këtë problem. Se ne prandaj mbledhim kufomat këtu, sepse punëtorët që merren me shpërndarjen janë shqiptarë.

Është shumë kollaj që të gjesh mosha të reja të futen në këtë rrugë pa krye. Ata shikojnë bashkëmoshatarë të tyre që dalin me makina luksoze papritur. Ky kapërcim bëhet në njëfarë mënyre shembulli për të tjerët. Ky është problemi i gabuar. Papunësia, vrasja e shpresës i ka bërë moshat e reja që të shkojnë drejt kësaj rruge.

E kemi ngritur këtë problem qëkur u rritën sipërfaqet me kanabis. Duhet fuqia punëtore. Shtëpitë e barit në Angli që janë aktivitetet më të përhapura janë kryesisht të rinjtë marrë nga zona të thella të Shqipërisë. E merr një të ri e çon me maune dhe gjithë kjo masë të rinjsh që është e pashpresë në Shqipëri janë lënda e parë për krimin e organizuar.

Kur shkon te kokaina pasi bën trajnimin te këto aktivitetet e para atëherë kalon tek kokaina që sjell më shumë para. Këtu fillojnë nga shpërndarja në rrugë dhe deri tek ata që arrijnë të dalin në krye. Sot është shumë plagë e rëndë, sepse grupet e krimit të organizuar e kanë shumë të lehtë të gjejnë ushtarë në Shqipëri dhe ti përdorin si mish për top për shpërndarje në vendet e BE”, u shpreh gazetari.

Të fundit