Flash News

Zhduket i riu në Tiranë

Gjykata e Posaçme lë në qeli Florenc Çapjan, zbardhet dëshmia

Aksident me vdekje në Shkodër

Paraqitet në SPAK Sali Berisha

Arrestohet në Vaun e Dejës një 28-vjeçar i kërkuar nga Spanja për trafik droge

E-TJERA

Hakmarrja në rrugët e Brukselit/ Kush është Kasandër Noga, porositësi i atentatit në ‘Don Bosko’

Politiko 4 Tetor 2022, 14:26

Hakmarrja në rrugët e Brukselit/ Kush është Kasandër

Kasandër Noga është porositësi i atentatit në ‘Don Bosko’ i cili kishte në shënjestër Geron Hasanbelliun, por që autorët vranë gabimisht Erion Çelën.

Hakmarrja mes Nogës dhe Hysenbellit nisi në vitin 2000 në Shqipëri dhe vijoi edhe në rrugët. Më 19 gusht të vitit 2000, kur Kasandro Noga hyri në Sanatorium nën shoqërinë e Julian Çelës, shkelmoi derën e reanimacionit aty ku ndodhej Aqif Hasanbelliu (babai i Erionit) dhe Dritan Hajdini (shoku i Geron Hasanbelliut).

Pasi iu hoqi serumet, Çela dhe Noga me breshëri kallashnikovi ekzekutuan Hasanbelliun dhe Hajdinin. Ngjarja ndodhi për motive hakmarrja pasi viktimat kishin ekzekutuar vite më parë vëllain e Nogës.

Erion dhe Geron Hysenbelliu u vunë në ndjekje të Çelës dhe Nogës. Dy vite më vonë, vëllezërit Hasanbelliu tentojnë të hakmerren. Në Antëerp të Belgjikës në vitin 2002, i bëjnë atentat Çelës dhe Nogës, ku Çela mbeti i vdekur ndërsa u plagos rëndë Kasandro Noga.

 Në 14 qershor të këtij viti, Kasandër Noga u arrestua ë Vjenë teksa doli nga shtëpia për të shkuar drejt aeroportit ku do të fluturonte në Tiranë.  Kasandër Noga, ishte i dyshuari kryesor në atentatin e Erion Hasanbelliut në Belgjikë.

Erion Hasanbelliu mbeti i plagosur rëndë pas atentatit që iu bë në qendër të Brukselit në hyrje të një hoteli mbrëmjen e së shtunës. Hasanbelliu u qëllua me 6 plumba në shpinë dhe në kofshë.

Nga operacioni i policisë në Durrës sot u arrestuan 14 persona ndërsa 5 të tjerë u shpallën në kërkim, mes tyre dhe Kasandër Noga. Ky i fundit urdhëroi dy vëllezërit, Gentian dhe Indrit Beqriaj të ekzekutonin Geron Hasanbelliun në zonën e ‘Don Boskos’.

“Shtetasit G. B. dhe I. B., në periudha të ndryshme kohore, janë kontaktuar nga shtetasit K. Z. alias K. S. dhe I. F., për llogari të shtetasit K. N., kundrejt pagesave nga 50 mijë deri 150 mijë euro, për të kryer vrasjen e një shtetasi dhe të nipërve të tij, në qytetin e Tiranës, si dhe për vrasjen e shtetasit A. M., në qytetin e Durrësit.

Për realizimin e kësaj veprimtarie, 2 vëllezërit janë paguar paraprakisht me një shumë prej 6000 eurosh. Fillimisht ata kanë siguruar kushtet e nevojshme për kryerjen e vrasjes, si armë zjarri, automjet, motoçikletë, si dhe kanë marrë me qira një banesë, në afërsi të objektivit.

Në lidhje me objektivin e parë për të cilin ishte marrë porosia, për një shtetas dhe nipërit e tij, ishte planifikuar që vrasja të behej në zonën e Don Boskos, pasi ky shtetas frekuentonte një lokal të caktuar në këtë zonë. Pavarësisht porosisë dhe planifikimit, shtetasit G. B. dhe I. B. nuk kanë kryer veprime aktive në këtë ngjarje”, deklaroi policia.

Të fundit